ავტომანქანებს სანომრე ნიშნებს აღარ დახსნიან
ავტომანქანებს სანომრე ნიშნებს აღარ დახსნიან
ურბანულ ცენტრებში სიჩქარის დაბალი ლიმიტების დანერგვა, ავტოსატრანსპორტო მოძრაობის წესების დარღვევისთვის მაღალი ჯარიმები და დრონების გამოყენებით ცენტრალური გამზირებზე მუდმივი მეთვალყურეობა არის საბერძნეთის ახალი საგზაო მოძრაობის კოდექსის ძირითადი მახასიათებელი. კერძოდ კი სიჩქარის ახალი ზღვარი ქალაქის ქუჩებში გადასაადგილებლად იქნება 30 კმ/სთ ხოლო სკოლების მიმდებარე ტერიტორიებზე კი 20კმ/სთ. შეგახსენებთ რომ ძველი ზღვარი 50 კმ/სთ იყო.
ამ რეგულაციების მიზანია საგზაო შემთხვევების მაქსიმალურად შემცირება და ხელოვნური ინტელექტისა და ზოგადად თანამედროვე ტექნოლოგიების ჩართვა კანონმდებლობაში საგზაო უსაფრთხოების გასაუმჯობესებლად.
ახალი რეგულაციების თანახმად საგზაო-სატრანსპორტო დარღვევები დაფიქსირდება სმს-ებისა და სატელეფონო ზარების მეშვეობით, რის შედეგადაც შეუძლებელი იქნება დარღვევის სისტემიდან წაშლა, რაც აქამდე ხშირად ხდებოდა და შესაბამისად ჯარიმის გადახდისგან თავის არიდებაც.
პოლიციის თანამშრომლები გამოიყენებენ სპეციალურ მოწყობილობებს ამ პლატფორმაზე დარღვევების დასაფიქსირებლად. ხოლო მაშინ, როცა დარღვევების რაოდენობა 25 ქულას მიაღწევს, მძღოლებს ავტომატურად ჩამოერთმევათ მართვის მოწმობა.
რაღათქმაუნდა ავტომანქანის მძღოლებს ენებათ საშუალება გაასაჩივრონ პატრულის მიერი გამოწერილი ჯარიმა შესაბამის უწყებაში და იმ შემთხვევაში თუ მათი საჩივარი დაკმაყოფილდება დარღვევა ამოიშლება სისტემიდან.
ამ რეგულაციის მთავარი სიახლე ის არის, რომ ჯარიმები დაწესდება მძღოლებზე და არა ავტომანქანებზე. რაც თავისთავად აუქმებს ავტომანქანიდან სანომრე ნიშნების მოხსნის აუცილებლობას. შესაბამისად გარკვეული ოდენობის დარღვევების შედეგად ჩამოერთმევა მართვის მოწმობა ავტომობილის მძღოლს, თუმცა მისი ოჯახის წევრები თავისუფლად შეძლებენ აღნიშნული ავტომანქანით გადაადგილებას.
