ათენის ქუჩები ტაქსის გარეშე: 9 სექტემბერს დედაქალაქში ტაქსის მძღოლები 24 საათით გაიფიცებიან
ათენის ქუჩები ტაქსის გარეშე: 9 სექტემბერს დედაქალაქში ტაქსის მძღოლები 24 საათით გაიფიცებიან
ტაქსის გარეშე დარჩება დედაქალაქის მოსახლეობა 9 სექტემბერს, რადგან ტაქსის მძღოლებმა ორშაბათს, 9 სექტემბერს 24 საათიანი გაფიცვის გადაწყვეტილება მიიღეს.
ათენის ტაქსის მძღოლების კავშირის მიერ გამოქვეყნებული განცხადების თანახმად გაფიცვა ორშაბათს, 9 სექტემბერს, დილის 05:00 საათზე დაიწყება და სამშაბათს, 10 სექტემბრის დილის 05:00 საათამდე გასტანს. ორშაბათს 11:00 საათზე ჩანიშნულია ბრიფინგი პერისტერის საგამოფენო ცენტრში.
იხილეთ ათენის ტაქსის მძღოლების კავშირის განცხადება:
მეგობარო,
შენი ტაქსი, ჩვენი ტაქსი, საფრთხეშია.
მთავრობის გადაწყვეტილებები და მნიშვნელოვანი საკანონმდებლო ხარვეზები გვიჩვენებს იმ დამღუპველ მიმართულებას, რომლისკენაც მივემართებით:
- ახალი საგადასახადო კანონი მათემატიკური სიზუსტით მიგვიყვანს წამგებიანი სამუშაოსა და ფინანსური ნგრევისაკენ.
- დაზღვევის საფასური კიდევ და კიდევ იმატებს.
- კერძო მძღოლები, სხვადასხვა კერძო კომპანიები დღითიდღე უფრო მეტ კლიენტს გვპარავენ.
თითოეული ჩვენგანი უნდა გამოვიდეს და იბრძოლოს ჩვენი პროფესიის გადარჩენისთვის. არ უნდა მივცეთ მთავრობას და კერძო ორგანიზაციებს ითამაშონ ჩვენი ცხოვრებით და მიიღონ გადაწყვეტილებები ჩვენ გარეშე.
