ათენის ცენტრში ტრეფიკინგის მსხვრეპლი ოთხი არასრულწლოვანი აღმოაჩინეს
საბერძნეთის პოლიციის სპეციალური ქვედანაყოფის მიერ ჩატარებული სპეცოპერაციის შედეგად ნაპოვნია ოთხი უსახლკარო არასრულწლოვანი, რომლებიც ტრეფიკიორებს ათენის ცენტრში,ფილის ქუჩაზე, ერთ-ერთი სახლის სარდაფში ჰყავდათ ჩაკეტილი.
აღნიშნულ ფაქტზე პოლიცია ინფორმირებული იყო 24-საათიანი ცხელი ხაზით, რის შემდეგაც მოხდა ემიგრაციისა და მოქალაქეთა დაცვის სამინისტროების დიდი მობილიზება .
პოლიციას მიეცა ყველა საჭირო ინფორმაცია და შემთხვევის ადგილზე მისულებმა ათენის უშიშროების ქვედანაყოფებთან ერთად კოორდინირებული მოქმედებების შედეგად დაახლოებით ერთ საათში შეძლეს სარდაფში გამოკეტილი ოთხი არასრულწლოვანის პოვნა და გადარჩენა.
ადგილზე იმყოფებოდა ასევე სასწრაფო დახმარების ბრიგადა რათა მათი მდგომარეობის გათვალისწინებით, საჭიროების შემთხვევაში არასრულწლოვანებისთვის შესაბამისი სამედიცინო დახმარება აღმოეჩინათ.
შედეგად, განთავისუფლებული მოზარდები გადაიყვანეს აგიოს პანტელეიმონის პოლიციის განყოფილებაში, სადაც განხორციელდა მათი პირველადი რეგისტრაციის პროცესი, რის შემდეგაც ისინი დაუყოვნებლივ გადაიყვანეს EPPAA-ს გადაუდებელი განსახლების სტრუქტურაში.
