ათენი-სალონიკის გზაზე მიმავალი ავტობუსი გზის დამცავ ჯებირებს შეეჯახა – დაშავებულია მძღოლი და 5 მგზავრი
ათენი-სალონიკის გზაზე მიმავალი ავტობუსი გზის დამცავ ჯებირებს შეეჯახა – დაშავებულია მძღოლი და 5 მგზავრი
დღეს დილით ათენი-სალონიკის ეროვნულ გზატკეცილზე მიმავალი ტურისტული ავტობუსი გზის დამცავ ჯებირებს შეეჯახა.
lamiareport.gr-ის მიერ გავრცელებული ინფორმაციის თანახმად ავტოსაგზაო შემთხვევა დილის 05:30 საათზე მოხდა. ავტობუსის მძღოლმა გამოძიებისთვის ამ დრომდე დაუდგენელ მიზეზთა გამო საჭეზე კონტროლი დაკარგა და გზის სავალი ნაწილიდან გადავიდა.
შეჯახების შედეგად დაშავდა ავტობუსის მძღოლი და 5 მგზავრი.
დაშავებულები სასწრაფო დახმარების ბრიგადამ თივას საავადმყოფოში გადაიყვანა.
ექიმები აცხადებენ რომ პაციენტების სიცოცხლეს საფრთხე არ ემუქრება.
Facebook Comments Box
