ათი ძველი ბერძნული ტაძარი რომელიც აუცილებლად უნდა ნახოთ

პართენონი, აკროპოლისი

პართენონი, რომელიც მდებარეობს აკროპოლისის მწვერვალზე, ეძღვნება ათენის მფარველ,სიბრძნის ქალღმერთ ათენას. პართენონი  აშენდა ძველი წელთაღრიცხვის მე-5 საუკუნის შუა ხანებში ძველი ტაძრის ნაცვლად, რომელიც სპარსელებმა გაანადგურეს. ათენას ქანდაკება, რომელიც  ტაძარში იდგა, სპილოს ძვლისგან, ვერცხლისა და ოქროსგან იყო დამზადებული, რომელიც მოგვიანებით მოიპარეს და გაანადგურეს.

ტაძრების ველი

ტაძრების ველი, რომელიც მდებარეობს სიცილიაში, იტალიაში, მოიცავს ბერძნული არქიტექტურის ყველაზე გამორჩეულ ნიმუშებს. ეს არის იუნესკოს მსოფლიო მემკვიდრეობის ძეგლი და აქ მდებარეობს ტაძრები, რომლებიც ეძღვნება კონკორდიას, ჯუნოს( იგივე ჰერას) და ჰერკულესს.

ჰეფესტოს ტაძარი

ჰეფესტოს ტაძარი, რომელიც ეძღვნება ლითონის დამუშავებისა და ხელოსნობის ღმერთს, მდებარეობს ათენში. ტაძარი დააპროექტა იქტინუსმა, პართენონის ერთ-ერთმა არქიტექტორმა. ჰეფესტოს ტაძარი მსოფლიოში ყველაზე კარგად შემონახული ძველი ბერძნული ტაძარია.

პაესტუმი

პაესტუმი ძველი ბერძნული ქალაქია, რომელიც მდებარეობს სამხრეთ იტალიაში. ანტიკურ პერიოდში უფრო პოპულარული იყო მისი სხვა სახელი-პოსიდონია. იგი მოიცავს სამ კარგად შემონახულ ბერძნულ ტაძარს. სამიდან ორი მიეძღვნა ჰერას, ქორწინებისა და მშობიარობის ქალღმერთს, ხოლო მესამე, რომელიც მდებარეობს ჰერას ტაძრებიდან მოშორებით, მიეძღვნა ათენას.

სეგესტას დორიული ტაძარი

ტაძარი მდებარეობს იტალიაში, სიცილიის ჩრდილო-დასავლეთ ნაწილში. სეგესტას დორიული ტაძარი აშენდა ძველი წელთაღრიცხვით მე-5-ე საუკუნეში თუმცა, როგორც ჩანს, ტაძარი ფაქტობრივად არასოდეს დასრულებულა, რადგან ჩანართები, რომლებიც შესაძლოა ამწე ბლოკად ყოფილიყო გამოყენებული, კვლავ რჩება ბაზის ბლოკებში.

აპოლონ ეპიკურიუსის ტაძარი

აპოლონ ეპიკურიუსის ტაძარი მდებარეობს პელოპონესზე, სამხრეთ საბერძნეთში. ეს არ არის ძველი ბერძნული ტაძრის ტიპიური მაგალითი, რადგან ციცაბო მთაზე შეზღუდული სივრცის გამო ის გასწორებულია ჩრდილოეთიდან სამხრეთით, ვიდრე სტანდარტულად აღმოსავლეთიდან დასავლეთით. ტაძარი ზღვის დონიდან 1131 მეტრის სიმაღლეზე მდებარეობს კოტილიონის მთის კალთებზე.

ერეხთეუმი

ერეხთეუმი, რომელიც მდებარეობს ათენის აკროპოლისის ჩრდილოეთ მხარეს, ეძღვნება ბერძენ გმირ ერიხთონიუსს. ტაძრის ყველაზე ცნობილი ასპექტია ის ნაწილი, რომელსაც მხარს უჭერს ექვსი კარიატიდი.

ზევსის ტაძარი კირენეში

ზევსის ტაძარი კირენეში მდებარეობს ლიბიაში და აშენდა ჩვენს წელთაღრიცხვამდე მე-5 საუკუნეში. ტაძარი არაერთხელ დაანგრიეს და ხელახლა ააშენეს. იგი განადგურდა 115 წელს ებრაელთა აჯანყების დროს და აღადგინეს ხუთი წლის შემდეგ რომაელთა ბრძანებით. ტაძარი კვლავ დაინგრა მიწისძვრის შედეგად 365 წელს და აღადგინეს თანამედროვე ეპოქაში ბრიტანელი და იტალიელი არქეოლოგების მიერ.

პოსეიდონის ტაძარი

ოლიმპიური ზევსის ტაძარი

ოლიმპიური ზევსის ტაძარი რომელიც მდებარეობს ათენის ცენტრში, არის კოლოსალური დანგრეული ტაძარი, რომელიც ეძღვნებოდა ზევსს. მისი  მშენებლობა დაიწყო ჩვენს წელთაღრიცხვამდე VI საუკუნეში, მაგრამ არ დასრულებულა. იგი ითვლებოდა ყველაზე დიდ და შთამბეჭდავ ტაძრად საბერძნეთში, მაგრამ დღეს მხოლოდ ფრაგმენტია შემორჩენილი.