ამინდი: მუდმივი სიცხის ტალღა და ხანძრების მაღალი საფრთხე საბერძნეთში მომდევნო დღეებში
საბერძნეთში მომავალი კვირიდან სინოპტიკოსები მუდმივი სიცხის ტალღას პროგნოზირებენ.
ტემპერატურა მომდევნო 24 საათის განმავლობაში სავარაუდოდ, 40 გრადუსს გადააჭარბებს ბევრ რაიონში. დღეს, კვირას ტემპერატურა 37 გრადუსის ფარგლებში შენარჩუნდება, ხოლო ორშაბათიდან კი ეტაპობრივად მოიმატებს.
ამასთან, განსაკუთრებული სიფრთხილეა რეკომენდირებული მომდევნო საათებში, სიცხის ტალღასთან ერთად ხანძრის ძალიან მაღალი რისკის გამო.
კერძოდ, კლიმატის კრიზისისა და სამოქალაქო დაცვის სამინისტროს გენერალური სამდივნოს მიერ გამოქვეყნებული ხანძრის რისკის პროგნოზირების რუქის მიხედვით კვირას პროგნოზირებულია ხანძრის ძალიან მაღალი რისკი (რისკის კატეგორია 4) ჩრდილოეთ და სამხრეთ ეგეოსის რეგიონებში.
ხვალ ხანძრის ძალიან მაღალი რისკი (რისკის კატეგორია 4) პროგნოზირებულია შემდეგ ტერიტორიებზე:
• სამხრეთ ეგეოსის რეგიონი (როდოსი, კალიმნოსი, კოსი, კარპათოსი)
• ჩრდილოეთ ეგეოსის რეგიონი (ხიო, სამოსი, იკარია)
ცხელი ჰაერის მასები ჩრდილოეთ აფრიკის სანაპიროებიდან საბერძნეთში ოთხშაბათიდან შემოვა, რაც მკვეთრად გაზრდის ტემპერატურას და მოიტანს ზაფხულის პირველ დიდ სიცხეს. ხუთშაბათიდან ტემპერატურა 39 და 40 გრადუს ცელსიუსს მიაღწევს, განსაკუთრებით თესალიაში, ბეოტიასა და ატიკაში.
ასევე შესაძლოა უახლოეს დღეებში (პარასკევს და შაბათს) ტემპერატურამ 40 გრადუს ცელსიუსს გადააჭარბოს და 42-43 გრადუსს მიაღწიოს.
ევროპულმა კოპერნიკის ობსერვატორიამ დაადასტურა, რომ კლიმატის ცვლილებისა და ელ-ნინიოს ფენომენის დაბრუნების კომბინაცია ოკეანეებსა და ხმელეთზე ტემპერატურას უპრეცედენტო დონემდე უბიძგებს.
მიუხედავად იმისა, რომ ზაფხულის კურსის პროგნოზირება ადვილი არ არის, დედამიწაზე – ჩინეთიდან ესპანეთამდე, ატლანტის ოკეანის გავლით ტემპერატურის მატების რეკორდები დაფიქსირდა აპრილიდან, პლანეტის კლიმატის დესტაბილიზაციის ყველაზე მკაფიო მიმანიშნებელი კატასტროფული შედეგებით: ტყის ხანძრებით, გვალვით და ძლიერი წვიმებით.
