აფეთქებები კარაკასში – აშშ სამხედრო ოპერაციებს აგრძელებს ვენესუელაში
აფეთქებები კარაკასში – აშშ სამხედრო ოპერაციებს აგრძელებს ვენესუელაში
ვენესუელამ გაეროს უშიშროების საბჭოს მიმართა და აშშ-ს პასუხისმგებლობის აღება მოითხოვა და აშშ-ის ქმედებას „სერიოზული სამხედრო აგრესია“ უწოდა.
BBC აშშ-ის ადმინისტრაციის წყაროებზე დაყრდნობით წერს, რომ ტრამპმა ვენესუელაზე დარტყმა ოპერაციამდე რამდენიმე დღით ადრე დაამტკიცა.
აფეთქებები, თვითმფრინავები და შავი კვამლი კარაკასში გუშინ, 3 იანვარს, დაახლოებით დილის 2 საათიდან დაიწყო დაახლოებით 90 წუთის განმავლობაში გრძელდებოდა.
ვენესუელას პრეზიდენტი მადურო ამჟამად ნიუ იორკში წინასწარი დაკავების საკანშია მოთავსებული.
„ტრამპის მეორე ვადის დროს ის სულ უფრო მეტად იჩენს ინტერესს იმპერიული სტილის ოპერაციების მიმართ. შაბათს გამთენიისას კარაკასზე განხორციელებული რეიდამდე ერთი კვირით ადრე აშშ-მა საჰაერო დარტყმები მიაყენა ჩრდილო-დასავლეთ ნიგერიას – ეს იყო საშობაო ოპერაცია, რომელიც, ტრამპის თქმით, ქვეყნის ქრისტიანების დასაცავად ჩატარდა. ამას ასევე წინ უძღოდა გასულ ზაფხულს აშშ-ის მიერ ირანის მიწისქვეშა ბირთვული ობიექტების დაბომბვა. ტრამპმა ამ კვირაში კვლავ დაიმუქრა ირანზე დარტყმით, რათა იხსნას რეჟიმის წინააღმდეგ დემონსტრაციებზე გამოსული ადამიანები“, – წერს Financial Times-ი.
