ბომბის აფეთქება ახარნონზე მდებარე მასონურ ლოჟაში
დღეს, დილის საათებში, ახარნონის ქუჩაზე პანიკა სუფევდა ბომბის აფეთქების გამო.
აფეთქება ახარნონის ქუჩისა და სურმელის ქუჩის შეერთებაზე, ვათის მოედანთან მოხდა, რასაც გარშემო არეულობა და პანიკა მოჰყვა.
მანამდე კი, დილის 6:30 საათზე იყო მუქარის სატელეფონო ზარი აღნიშნულ ტერიტორიაზე მდებარე მასონურ ლოჟაში ასაფეთქებელი მოწყობილობის განთავსების შესახებ.
რამდენიმე წუთის შემდეგ შემთხვევის ადგილზე მივიდა ასაფეთქებელი მოწყობილობების განადგურების დეპარტამენტის ჯგუფი, რასაც მოჰყვა დაბალი სიმძლავრის აფეთქება, რომელმაც კედლის გაშავება და მცირე მატერიალური დაზიანება გამოიწვია. აფეთქების შედეგად არავინ დაშავებულა.
პოლიციამ ახარნონის ქუჩა ორივე მიმართულებით გადაკეტა, მაკედონიის ქუჩასთან კვეთიდან ვათის მოედნამდე და მიმდებარე ტერიტორია პოლიციისა და სახანძრო სამსახურის მიერ არის შემოზღუდული.
