კანადელმა შეფმა შხამი ინტერნეტით მიჰყიდა თვითმკვლელებს – ბრიტანეთში 88 გარდაცვალების შემთხვევის გამოძიება მიმდინარეობს
ბრიტანეთის დანაშაულის წინააღმდეგ ბრძოლის ეროვნულმა სააგენტომ (NCA) დღეს განაცხადა, რომ იძიებს კანადელი შეფ-მზარეულის, კენეტ ლოუს შესაძლო დანაშაულის საქმეს, მას შემდეგ, რაც მას დაუკავშირა 88 ადამიანის სიკვდილი, რომლებმაც თვითმკვლელობის მიზნით, კანადური ვებსაიტების მეშვეობით, აღნიშნული პიროვნებისგან მომწამვლელი ნივთიერება შეიძინეს.
NCA-მ მიიღო ინფორმაცია აპრილში, რომ ბრიტანეთში ბევრმა ადამიანმა იყიდა პროდუქტები კანადური ვებსაიტებიდან, რის შემდეგაც ლო დააკავეს კანადაში, თვითმკვლელებისთვის შხამის მიწოდების ბრალდებით- იტყობინება ბრიტანული მედია.
კანადის ინტერპოლის განყოფილებამ ბრიტანეთის NCA-ს გადასცა 232 ბრიტანელი მყიდველის სია. მოგვიანებით გამოძიებებმა დაასკვნა, რომ ამ ადამიანებიდან 88 გარდაიცვალა.
“ამჟამად არ არსებობს დადასტურებული კავშირი ვებსაიტების საშუალებით შეძენილ ამ ნივთიერებებსა და 88 ადამიანის სიკვდილის მიზეზებს შორის”-აცხადებს NCA
57 წლის ლოუ მაისში კანადაში დაკავებულ შეფ მზარეულს ბრალი წაუყენეს სუიციდური მიდრეკილებების მქონე ადამიანების დახმარებაში მათთვის მომწამვლელი ნივთიერებების მიყიდვის საშუალებით მას შემდეგ, რაც მან აღიარა ჟურნალისტთან, რომლებიც ფარულ გამოძიებას აწარმოებდნენ, რომ ძალიან ბევრი ადამიანი დაიღუპა მის მიერ ინტერნეტით გაყიდული შხამის მიღების შემდეგ.
კანადელ შეფს, რომელიც მდიდრული სასტუმროს სამზარეულოში მუშაობდა, ბრალი ედება 1200 ამანათის გაგზავნაში 40 ქვეყანაში.
მის მიერ განხორციელებულ ქმედებებზე გამოძიება დაიწყო აშშ-ში, იტალიაში, ავსტრალიაში და ახალ ზელანდიაში.
