კანარის კუნძულებზე ნაპოვნი მკვდარი ვეშაპი მუცელში ნახევარი მილიონი ევროს ღირებულების საგანძურს მალავდა

ესპანეთში, კანარის კუნძულების ნაპირებზე მკვდარი ვეშაპი გამოირიყა. სიკვდილის გამომწვევი მიზეზების დასადგენად გაკვეთისას მის მუცელში 500 000 ევროს ღირებულების ნამდვილი განძი იპოვეს.

ფერნანდეს როდრიგესი, ლას პალმასის უნივერსიტეტის ცხოველთა ჯანმრთელობისა და სურსათის უვნებლობის ინსტიტუტის ხელმძღვანელი, ეჭვობს, რომ ცხოველის სიკვდილი საჭმლის მომნელებელი სისტემის პრობლემამ გამოიწვია. ამის დასადასტურებლად ვეშაპის მსხვილი ნაწლავის შესწავლისას მეცნიერმა შიგნით რაღაც მყარი აღმოაჩინა. წარმოიდგინეთ მისი გაოცება, როდესაც ეს “რაღაც” უზარმაზარი ძვირფასი ქვა-ქარვა აღმოჩნდა. როდრიგესი აღწერს მას:

“ის, რაც მე ამოვიღე, იყო დაახლოებით 50-60 სანტიმეტრი დიამეტრის ქვა და 9,5 კილოგრამს იწონიდა”.

ამბრა იშვიათი ნივთიერებაა, რომელიც ცნობილია როგორც “მცურავი ოქრო”, რომელიც საუკუნეების განმავლობაში პარფიუმერების წმინდა გრაალი იყო. ფერნანდესის მიერ აღმოჩენილი ქარვის ნაჭერი დაახლოებით 500 000 ევრო ღირს!

ვეშაპები მოიხმარენ უზარმაზარ რაოდენობას კალმარს და საკვების ისეთ გარკვეულ სახეობას, რომელთა უმეტესობა მის საჭმლის მომნელებელ სისტემაში არ იშლება. ის  რჩება ვეშაპის ნაწლავებში და წლების განმავლობაში ქარვად გარდაიქმნება, თუმცა, როდესაც მე-19 საუკუნის დასაწყისში ვეშაპების გაკვეთა დაიწყო, გაირკვა, რომ ვეშაპებიდან მხოლოდ ერთ სახეობას-კაშალოტს შეეძლო ქარვის „წარმოება“.

ზოგჯერ, როგორც ამ შემთხვევაში, ქვა ძალიან დიდი ხდება, რაც იწვევს ნაწლავების რღვევას და ვეშაპის სიკვდილს. ფერნანდესმა, რომელმაც 1000-ზე მეტი ვეშაპის გაკვეთა ჩაატარა, აღნიშნა, რომ  ვეშაპი  მოკვდა ქარვისგან გამოწვეული სეფსისით.

შეერთებულმა შტატებმა, ავსტრალიამ და ინდოეთმა აკრძალეს ქარვით ვაჭრობა ვეშაპების უკონტროლო ხოცვის გამო. ამჟამად ლას პალმასის ინსტიტუტი ეძებს აღმოჩენილი ქარვის მყიდველს და მისი ხელმძღვანელი იმედოვნებს, რომ მისი გაყიდვიდან შემოსული თანხა 2021 წელს, ლა პალმაში ვულკანური ამოფრქვევის შედეგად დაზარალებულთა დახმარებას მოხმარდება.