კრეტა: 3 მანქანა ერთმანეთს შეეჯახა

კრეტა: 3 მანქანა ერთმანეთს შეეჯახა
ავტოსაგზაო შემთხვევა დაფიქსირდა კუნძულ კრეტაზე, ირაკლიოში პარასკევს შუადღეს.
შუქნიშანთან, გამოძიებისთვის ამ დრომდე უცნობ მიზეზთა გამო ორი ავტომანქანა შეეჯახა სასოფლო-სამეურნეო მანქანას. შეჯახება იმდენად ძლიერი იყო, რომ სერიოზული მატერიალური ზიანი მიადგა სამივე სატრანსპორტო საშუალებას. საბედნიეროდ ავარიას მსხვერპლი არ მოჰყოლია.
როგორც თვითმხილველები cretalive.gr-თან საუბრისას აცხადებენ შემთხვევის ადგილზე ბოლო რამდენიმე დღეა შუქნიშანი მწყობრიდან არის გამოსული და სწორედ ამიტომ ხშირად იქმნება გზის ამ მონაკვეთში სწორად გადაადგილების პრობლემა.
შემთხვევის ადგილზე გამოცხადდა სასწრაფო დახმარების მანქანა და პოლიცია.