კრეტა: 53 წლის კაცი სამსახურეობრივი მოვალეობის შესრულებისას დაშავდა
კრეტა: 53 წლის კაცი სამსახურეობრივი მოვალეობის შესრულებისას დაშავდა
დღეს შუადღეს კუნძულ კრეტაზე, ირაკლიოში, მალევიზუს მუნიციპალიტეტში მდებარე სასტუმროს თანამშრომელი სამსახურეობრივი მოვალეობის შესრულებისას დაშავდა.
ტელემაუწყებელი ΕΡΤ-ის მიერ გავრცელებული ინფორმაციის თანახმად უბედური შემთხვევა 11:00 საათის შემდეგ, მონონავტის სანაპიროსთან ახლოს მოხდა. 53 წლის კაცი სასტუმროს აუზს წმენდდა, როცა მოულოდნელად, გამოძიებისთვის ამ დრომდე დაუდგენელ მიზეზთა გამო, 7 მეტრის სიღრმის ჩიხში გადავარდა.
დაშავებული ჩიხიდან მეხანძრეებმა ამოიყვანეს და სასწრაფო დახმარების ბრიგადას გადასცეს საავადმყოფოში გადასაყვანად.
ექიმები აცხადებენ, რომ პაციენტის სიცოცხლეს საფრთხე არ ემუქრება.
Facebook Comments Box
