კუნძულ კოზე ტურისტი ინგლისიდან 29 წლის ნიგერიის მოქალაქემ გააუპატიურა
კუნძულ კოზე ტურისტი ინგლისიდან 29 წლის ნიგერიის მოქალაქემ გააუპატიურა
ტურისტმა ინგლისიდან, რომელიც კუნძულ კოზე საზაფხულო შვებულების გასატარებლად იმყოფება პოლიციას შაბათს შუადღეს დასახმარებლად მიმართა. საჩივარში ძალადობის მსხვერპლი აცხადებს, რომ 29 წლის ნიგერიის მოქალაქემ მასზე სექსუალურად იძალადა.
სამართალდამცავმა ორგანოებმა ბრალდებულის დაკავება მეორე დღესვე, კვირასვე შეძლეს და დაუყოვნებლივ გადაიყვანეს პროკურორთან დაკითხვაზე.
26 წლის ინგლისის მოქალაქის მიერ მიცემული ჩვენების თანახმად მოძალადე მას შაბათს გამთენიისას მიუახლოვდა მაშინ, როცა გოგონა ღამის კლუბიდან გარეთ გავიდა სიგარეტის მოსაწევად. ბრალდებული გოგონას თანხმობის გარეშე შეეხო და აიძულა სექსუალური აქტი დაემყარებინა მასთან.
დაკავებული აცხადებს, რომ მათ შორის სექსუალური კავშირი გოგონას თანხმობის საფუძველზე მოხდა.
პროკურორის განკარგულებით 26 წლის გოგონას ჩაუტარდება სასამართლო-სამედიცინო ექსპერტიზა, რათა დადგინდეს აღენიშნება თუ არა ძალადობის კვალი სხეულზე.
