კუნძულ კრეტაზე გაჩენილი ხანძარი ადგილობრივი მოსახლეობისთვის უკვე საფრთხეს წარმოადგენს – დაშავებულია 74 წლის მამაკაცი
კუნძულ კრეტაზე გაჩენილი ხანძარი ადგილობრივი მოსახლეობისთვის უკვე საფრთხეს წარმოადგენს – დაშავებულია 74 წლის მამაკაცი
დღეს დილით გაჩენილი ხანძარი კრეტაზე, იერაპეტრაში კონტროლს აღარ ექვამდებარება და უკვე დიდ ტერიტორიას მოედო.
მავრო კოლიმბოში ხანძრის შედეგად დაშავდა 74 წლის მამაკაცი, რომელსაც სხეულზე არაერთგზის დამწვრობა აქვს.
გავრცელებულ ინფორმაციაზე დაყრდნობით 74 წლის მოხუცებულმა სახლი დატოვა მაშინვე, როცა ტელეფონზე 112-დან გამაფრთხილებელი მესიჯი მიუვიდა, მაგრამ მოგვიანებით უკან დაბრუნდა, რათა საკუთარი სახლი ხანძრისგან დაეცვა. თუმცა მოხუცებულმა ვერც სახლის დაცვა შეძლო და ვერც საკუთარი თავის. მას ცეცხლმა არაერთი დამწვრობა მიაყენა. დაშავებულის დასახმარებლად ადგილზე სასწრაფო დახმარების მანქანა მივიდა და ვენიზელიოს საავადმყოფოში გადაიყვანა. საავადმყოფოში კი ექიმებმა გართულებების თავიდან ასარიდებლად მისი სასუნთქ აპარატზე შეერთება გადაწყვიტეს, რადგან მოხუცებულს ფილტვებზე პრობლემები აქვს.
