ლამია: 14 წლის ბიჭმა კარაბინით სახის არეში მძიმე დაზიანება მიიღო
პარასკევს, შუადღისას, ლამიაში 14 წლის ბოშა ბიჭი სასწაულებრივად გადაურჩა სიკვდილს.
გავრცელებული ცნობით, არასრულწლოვანმა ლევადეიას ქუჩაზე მინდორში ძველი დაჟანგული კარაბინი და იქვე დაგდებული ვაზნა იპოვა, ის ათვალიერებდა იარაღს, შემდეგ კი ქვის დარტყმით შეეცადა ვაზნა ლულაში ჩაესვა, რა დროსაც ვაზნა აფეთქდა, შედეგად მოზარდმა სახის არეში მძიმე დაზიანებები მიიღო.
მასთან ერთად მყოფმა სხვა ბავშვებმა შეატყობინეს მის მშობლებს და 14 წლის ბიჭი სასწრაფოდ გადაიყვანეს ლამიას საავადმყოფოს გადაუდებელი დახმარების განყოფილებაში.
მომხდარის შესახებ ინფორმირებული იქნა ადგილობრივი პოლიცია,რომელმაც დაიწყო წინასწარი გამოძიება იმ გარემოებების გამოსაკვლევად, რამაც კინაღამ ბავშვის სიცოცხლე შეიწირა.
გამოძიების ფარგლებში, მეთვალყურეობის უგულებელყოფის ბრალდებით დააკავეს ბავშვის 52 წლის მამაც, რომელიც პროკურატურის სიტყვიერი ბრძანების საფუძველზე მოგვიანებით გაათავისუფლეს.
