ლოკრიდაში მომხდარმა ავტოსაგზაო შემთხვევამ 2 ახალგაზრდის სიცოცხლე იმსხვერპლა

ლოკრიდაში მომხდარმა ავტოსაგზაო შემთხვევამ 2 ახალგაზრდის სიცოცხლე იმსხვერპლა

ენით აღუწერელი ტრაგედია დატრიალდა ლოკრიდაში დღეს გამთენიისას. 

ავტოსაზგაო შემთხვევამ ატალანდისა და სკალას დამაკავშრებელ გზაზე, 2 ახალგაზრდის სიცოცხლე იმსხვერპლა.

გავრცელებული ინფორმაციის თანახმად 25 და 28 წლის მეგობრები შაბათს, 1 ნოემბერს ღამით ბარში გასართობად გავიდნენ და კვირას გამთენიისას ტრაღანაში ატალანდიდან ბრუნდებოდნენ. ახალგაზრდები სახლთან საკმაოდ ახლოს იმყოფებოდნენ, როცა გამოძიებისთვის ამ დრომდე დაუდგენელ მიზეზთა გამო მძღოლმა საჭეზე კონტროლი დაკარგა და გზის სავალი ნაწილიდან გადავარდა.

თვითმხილველები აცხადებენ, რომ მანქანა მაღალი სიჩქარით გადაადგილდებოდა, გზის სავალი ნაწილიდან გადავიდა და ზეთის ხილის ხეს შეეჯახა. ძლიერი შეჯახების შედეგად ამოყირავდა. ახალგაზრდები შემთხვევის ადგილზევე დაიღუპნენ.