მედიკამენტების ეროვნული სააგენტოს გაფრთხილება ცნობილი თვალის მალამოს რეალიზაციიდან ამოღების შესახებ

საბერძნეთის მედიკამენტების ეროვნული სააგენტო (EOF) მომხმარებელს აფრთხილებს ფარმაცევტული პროდუქტის “DEXAMYTREX EYE OINT” თვალის მალამოს (0.3%+0.03%), 153-ე და 213-ე პარტიიდან, ხმარებიდან ამოღების შესახებ, მასში მავნე ნივთიერების, გენტამიცინის სულფატის შესაძლო არსებობის გამო, რამაც შესაძლოა გავლენა მოახდინოს პროდუქტის საბოლოო ხარისხზე.

აღნიშნული პარტიების რეალიზაციიდან ამოღების შესახებ გადაწყვეტილება მიღებული იქნა მწარმოებელი კომპანიის მიერ პრევენციული მიზნით.

აღნიშნული კომპანია “BAUSCH HEALTH HELLAS SA”, როგორც პროდუქტის ადგილობრივი წარმომადგენელი საბერძნეთში, დაუყოვნებლივ უნდა დაუკავშირდეს დისტრიბუციულ ქსელს და შეაჩეროს პრეპარატის რეალიზაცია.