მეტროში ძარცვისთვის 2 პირი დააკავეს
მეტროში ძარცვისთვის 2 პირი დააკავეს
18 წლის ბერძენმა და 27 წლის უცხო ქვეყნის მოქალაქემ 11 მარტს მეტროში, კერძოდ “აღია მარინა”-ს სადგურზე ერთ-ერთ მგზავრს ოქროს ყელსაბამი იარაღის მუქარით ჩამოგლიჯეს და ადგილიდან მიმალვა სცადეს.
თავდამსხმელები საწყის ეტაპზე მეტროში შესვლამდე მიუახლოვდნენ მსხვერპლს, თუმცა წინააღმდეგობის გაწევის შემდეგ ყელსაბამის ჩამოგლეჯვა ვერ შეძლეს და მეორედ ბედი ბილეთების გასატარებელ მანქანებთან სცადეს სადაც უკვე მგზავრს იარაღით დაემუქრნენ და ისე შეხსნეს ყელსაბამი.
ყელსაბამის ხელში ჩაგდების შემდეგ 27 წლის ბიჭი მეტროსადგურიდან გარეთ გაიქცა, ხოლო 18 წლის ბიჭი კი ვაგონში შევარდა დანაშაულის ადგილიდან მიმალვის განზრახვით თუმცა მემანქანემ მატარებელი გააჩერა და პოლიციას შესაძლებლობა მისცა დამნაშავე დაეჭირა.
დაკავებულების დოკუმენტაციის შემოწმებისას დადგინდა, რომ 27 წლის ბიჭი საბერძნეთში უკანონოდ იმყოფება.
