ნათლისღება: იანნის დამიამოსის ისტორია – ბიჭი, რომელიც წყლიდან ჯვრის ამოსატანად მისი ძმისთვის გადახტა

ნათლისღება: იანნის დამიამოსის ისტორია – ბიჭი, რომელიც წყლიდან ჯვრის ამოსატანად მისი ძმისთვის გადახტა

5 წელი გავიდა მას შემდეგ, რაც იანნის დამიანოსმა კისერი მოიტეხა ევიაზე ნათლისღების დღეს ჯვრის ზღვიდან ამოტანის მცდელობისას. 

დღეს ინვალიდის ეტლს მიჯაჭვული იანნის დამიანოსი ამბობს, რომ პირველივე წუთიდან მიხვდა, რომ პარალიზდა და იქვე აცხადებს, რომ ღმერთი ადამიანებს არ სჯის.

24 წლის იანნისი ზღვაში ჯვრის ამოსატანად მისი ძმისთვის გადახდა, რომელიც ლეიკემიით არის დაავადებული. თუმცა ეს ნახტომი საბედისწერო აღმოჩნდა როგორც მისთვის, ასევე მისი ოჯახისთვის. 

“უბედური შემთხვევა იყო. წყალი ამღვრეული იყო, თავით დავასკდი მიწას და კისერი მოვიტეხე. შოკურ მდგომარეობაში წყალქვეშ 11 წამი გავატარე. ბევრი წყალი გადავყლაპე. პირქვე დავეცი. ბევრი მომენტი მახსოვს და თან არ მახსოვს. ტკივილი არ მიგრძვნია, მაგრამ მახსოვს რომ მთელი სხეული დაბუჟებული მქონდა. მალევე ჩამოვიდა წყალში მამაჩემი, რომელსაც ჩემი მეგობრებიც ჩამოყვნენ და ამომიყვანეს ნაპირზე. დაზიანებები არ მქონდა, არც სისხლი. ქვაზე არ დამირტყამს თავი, ქვიშაზე დავეცი. უბრალოდ ღრმა არ იყო იმ ადგილას ნაპირი და ძლიერი ვარდნისას თავის დარტმის შედეგად კისერი მოვიტეხე. თავიდანვე მივხვდი რომ დავინვალიდდი. ხელ-ფეხს ვერ ვგრძნობდი.”