ნათლობის წვეულების მოულოდნელი დასასრული ლარისაში

ხმაურიან ნათლობის წვეულებას  ლარისაში მოულოდნელად ასაკოვანი მამაკაცის მძიმე დაზიანება და მისი ჰოსპიტალიზაცია მოჰყვა.

შემთხვევა იულიანუს 11 ნომერში, სამსართულიან კორპუსში მცხოვრები უცხოელების ოჯახის მიერ ნათლობის წვეულების ზედმეტად ხმაურიანი ზეიმით აღნიშვნას მოჰყვა.

ხმამაღალმა მუსიკამ მათ მეზობლად მცხოვრები მამაკაცის გაღიზიანება გამოიწვია და ხმამაღალი შეძახილებით გამოხატა უკმაყოფილება მეზობლების მიმართ.

თავდაპირველად მამაკაცმა  აივნიდან ითხოვა მუსიკის დაწევა მაგრამ მის მოთხოვნას ყურადღება არავინ მიაქცია.

ხმაურიანი მეზობლების ყურადღების მისაპყრობად 63 წლის მამაკაცი აშკარად ცდილობდა რაღაცის გადაგდებას მათ აივანზე, მაგრამ წონასწორობა დაკარგა, მესამე სართულიდან გადავარდა და აივნის ქვეშ გაჩერებული საცხოვრებელი კორპუსის მფლობელის მანქანაზე დაეცა.

გავრცელებული ინფორმაციით, მამაკაცი მძიმედ დაშავდა. სასწრაფო დახმარების ჯგუფმა ის ლარისას საუნივერსიტეტო საავადმყოფოში გადაიყვანა.