ოჯახი, რომლის წევრებიც ოთხზე დადიან მეცნიერებს თავსატეხს უჩენს
თურქეთში მცხოვრებმა ულასების ოჯახმა თავდაყირა დააყენა სამეცნიერო საზოგადოება და კითხვის ნიშნის ქვეშ აყენებს ადამიანის სახეობის ევოლუციას.
მეცნიერებს აბნევს ის ფაქტი, რომ ოჯახის ზოგიერთი წევრი დადის ოთხზე, ანუ ხელებს „მცოცავი დათვივით“ იყენებს.
ულასების ოჯახის შესახებ პირველად ცნობილი გახდა მათ შესახებ სამეცნიერო ნაშრომის მეშვეობით, რასაც მოჰყვა 2006 წელს BBC-ის დოკუმენტური ფილმი სახელწოდებით “ოჯახი, რომელიც დადის ოთხზე”.
პროფესორმა ნიკოლას ჰამფრიმ, ევოლუციის ფსიქოლოგმა აღმოაჩინა, რომ ამ ოჯახში 18 ბავშვიდან ექვსი მათგანი დაიბადა ამ მახასიათებლით.
„არასდროს ველოდი, რომ ყველაზე არაჩვეულებრივი სამეცნიერო ფანტასტიკის პირობებშიც კი, თანამედროვე ადამიანები ცხოველურ მდგომარეობას დაუბრუნდებოდნენ. რაც გამოგვარჩევს ცხოველთა დანარჩენი სამყაროსგან არის ის ფაქტი, რომ ჩვენ ვართ ის სახეობა, რომელიც დადის ორ ფეხზე და თავი მაღლა უჭირავს“, – განმარტა მან.
ულასების ოჯახი დოკუმენტურ ფილმში აღწერილი იყო, როგორც “დაკარგული რგოლი ადამიანსა და მაიმუნს შორის”.
ლივერპულის უნივერსიტეტის მკვლევარებმა დაადგინეს, რომ კვლევის ცენტრში მყოფი ბავშვების ჩონჩხები უფრო ჰგავდა მაიმუნისას, ვიდრე ადამიანის და ჰქონდათ შეკუმშული ცერებრუმი, მდგომარეობა, რომელიც ჩვეულებრივ გავლენას არ ახდენს სხვა ადამიანების ორ ფეხზე სიარულის უნარზე.
თუმცა, მაშინ როცა მაიმუნები იყენებენ სახსრებს გადაადგილებისთვის, ეს ადამიანები იყენებენ ხელის გულებს, რაც მნიშვნელოვან განსხვავებას აღნიშნავს. ”ვფიქრობ, შესაძლებელია, რომ ის, რასაც ჩვენ ვხედავთ ამ ოჯახში, შეესაბამება იმ დროს, როდესაც ჩვენ შიმპანზეებივით დავდიოდით. მაგრამ ეს იყო გარდამავალი ეტაპი ხეებიდან ჩამოსვლისა და სრულ ორფეხად გახდომას შორის“, აღნიშნავს ჰემფრი.
ბავშვები უზრუნველჰყვეს ფიზიკური თერაპიით და აღჭურვილობით, რომელიც ორ ფეხზე სიარულში დასახმარებლად გამოიყენებოდა, რამაც გამოიწვია მათი მობილობის მნიშვნელოვანი გაუმჯობესება.
