პატრა: 16 წლის გოგონა სამმა პირმა გააუპატიურა
პატრა: 16 წლის გოგონა სამმა პირმა გააუპატიურა
კვირას გამთენიისას პატრაში პოლიციამ 2 პირი დააკავა 16 წლის გოგონას ჯგუფური გაუპატიურების ბრალდებით. სამართალდამცავი ორგანოები ამ დრომდე ეძებენ მესამე დამნაშავეს.
pelop.gr-ის მიერ გავრცელებული ინფორმაციის თანახმად გაუპატიურების ფაქტი შაბათს ღამით დაფიქსირდა. 16 წლის გოგონა ალკოჰოლის ზეგავლენის ქვეშ იმყოფებოდა როცა სამმა პირმა მიტოვებულ შენობაში წაიყვანა, რომელიც ანო პოლიში, ძველ საავადმყოფოსთან მდებარეობს და სწორედ იქ იძალადეს მასზე სექსუალურად.
ერთ-ერთი მოძალადე გოგონამ ამოიცნო და პოლიციამ შაბათსვე დააკავა, ხოლო მეორე მოძალადის დაკავება კი კვირას გამთენიისას მოხერხდა. სამართალდამცავი ორგანოების ხელთ არსებული ინფორმაციის თანახმად მესამე მოძალადე სპორტსმენია, მისი ვინაობა უკვე დადგენილია და პოლიცია აქტიურად ეძებს რათა დროულად მოხერხდეს მისი დაკავებაც.
დამნაშავეთა ასაკი 19-დან 21 წლამდე მერყეობს.
დაკავებულთაგან ერთ-ერთმა განაცხადა, რომ გოგონა ალკოჰოლის ზემოქმედების ქვეშ არ იმყოფებოდა, ხოლო მეორემ კი განაცხადა, რომ გოგონაზე მას არ უძალადია.
გოგონას ჩაუტარდება სამედიცინო ექსპერტიზა სხეულზე ძალადობის კვალის აღმოსაჩენად.
