პოროსი: არგოსარონის ზღვის პატარა ვენეცია

პოროსი ცნობილი გახდა 50-60-იანი წლებიდან ძველი ბერძნული ფილმებით როგორიცაა მაგალითად “ალისა საზღვაო ფლოტში”, რადგან მისი ბევრი სცენა ამ კუნძულზეა გადაღებული.

პოროსში შეიქმნა საზღვაო ძალების პირველი ობიექტები, რომლებიც დღეს სასწავლო ცენტრს და საზღვაო ძალების ბაზას მასპინძლობენ.

კუნძულის უძველესი სახელი იყო კალავრია, ეს არის უძველესი კუნძული, რომელიც გაჩნდა ბუნებრივი კატაკლიზმების შედეგად. უძველეს ქალაქ კალავრიაში, ბორცვის მწვერვალზე, 1894 წელს გათხრების შემდეგ, ნაპოვნი იქნა ღმერთ პოსეიდონისადმი მიძღვნილი ტაძრის ნანგრევები, რომლებიც დღემდე ხელმისაწვდომია. აქ, ჩვენს წელთაღრიცხვამდე 322 წელს, დიდი ორატორი დემოსთენე მოწამლეს მაკედონელი გუბერნატორის ანტიპატერის დატყვევებისგან თავის დაღწევის შემდეგ.

მთელი ქალაქი, რომელიც ამფითეატრალურად არის აგებული გორაკის ფერდობზე 1993 წლიდან ტრადიციულ დასახლებად არის მიჩნეული. კუნძულის ჩრდილოეთ ნაწილში არის პოსეიდონის ტაძრის ნანგრევები, რომელიც იყო კალავრიას ამფიქტიონიის ცენტრი. მისი აგების ზუსტი თარიღი ცნობილი არ არის, თუმცა მკვლევარების ვარაუდით იგი აშენდა დაახლოებით 520 წ.

პლაჟები

ასკელი. კუნძულის ყველაზე კოსმოპოლიტური და ხალხმრავალი ქვიშიანი სანაპირო ყველაზე დიდი ფართობით. ორგანიზებული მრავალი რესტორნით და სასტუმროებით გარშემო მანძილი ცენტრიდან სანაპირომდე 2 კილომეტრია.

ნეორიო. კუნძულის სიდიდით მეორე  ქვიშიანი სანაპირო რამდენიმე ნაწილად არის დაყოფილი, მათგან ზოგი ორგანიზებულია, ზოგი არა.

სიყვარულის პორტი. 70-იანი წლების ერთ-ერთი ყველაზე ცნობილი ალტერნატიული პლაჟი, მასპინძლობს უამრავ უცხოელ და ბერძენ დამსვენებელს. თვალწარმტაცი ყურე ფაქტიურად ჩაეფლულია ფიჭვნარში ფირუზისფერი წყლებით, ქოლგებითა და შეზლონგებით.

არხი. სწორედ ამ პატარა ხიდზე, რომელიც აერთებს კალავრიას და სფარიას, არის კუნძულის კიდევ ერთი ორგანიზებული პლაჟი მშვიდი და სუფთა წყლებით. ქალაქის ცენტრიდან სულ რაღაც 700 მეტრში, იდეალურია ოჯახთან ერთად მშვიდი დასვენებისთვის და განტვირთვისთვის.