რა ჰქონდათ განზრახული დამნაშავეებს და რატომ მიატოვეს მირტო ქუჩაში
რა ჰქონდათ განზრახული დამნაშავეებს და რატომ მიატოვეს მირტო ქუჩაში
ნაბიჯ-ნაბიჯ მიყვება გამოძიება 19 წლის მირტოს გარდაცვალების საქმის დეტალებს, რომელიც არღოსტოლის ცენტრალურ მოედანზე მიატოვეს.
სასამართლო ექსპერტიზამ დაადგინა, რომ გოგონას გული გაუჩერდა.
23 წლის ბრალდებულის ჩვენებაზე დაყრდნობით მირტომ არაერთხელ მიიღო კოკაინი, რომელიც მისმა მეგობარმა, ყოფილმა სპორტსმენმა მის ალბანელ მეგობართან ერთად მიუტანა. როდესაც მირტომ გონება დაკარგა სასწრაფო დახმარების გამოძახების ნაცვლად მისი მიტოვება გადაწყვიტეს რადგან შეეშინდათ.
თუმცა ნაბიჯები, რომლებიც მათ მირტოს მისატოვებლად გადადგეს, საერთოდ არ ასახავს პანიკურ მდგომარეობას და შიშს. ბრალდებულების მიერ დასახული გეგმა კარგად ნაფიქრს და მშვიდად დასახულს ჰგავს.
ახალგაზრდებმა გადაწყვიტეს გოგონა ქუჩაში გაეყვანათ. მირტო 26 წლის ყოფილმა სპორტსმენმა გაიყვანა გარეთ და ცენტრალურ მოედანზე მიატოვა. სასწრაფო დახმარების ბრიგადა ახალგაზრდებმა გამოიძახეს თუმცა ადგილზე მისვლისას განაცხადეს, რომ მათ გოგონა ქუჩაში გავლისას შეამჩნიეს. შემთხვევის ადგილზე მხოლოდ ყოფილი სპორტსმენი და ალბანეთის მოქალაქე იმყოფებოდნენ, რადგან 23 წლის ბრალდებული სასტუმროს ოთახიდან მირტოს კვალის წაშლას ცდილობდა.
