საბერძნეთის მეტროსადგურის ხაზების გაფართოება იგეგმება

საბერძნეთის მეტროსადგურის ხაზების გაფართოება იგეგმება

ათენის მეტროს გაფართოვებისთვის გრძელდება კვლევები და ტენდერები, რათა დედაქალაქის უფრო მეტ უბანში გაიყვანონ მეტროს ხაზები, რომლებიც ათენის მოსახლეობას გაუადვილებს ქალაქის ერთი წერტილიდან მეორე წერტილში გადაადგილება საცობების გარეშე. 

მეტროს ახალი მე-4 ხაზისთვის გეგმის განსახორციელებლად 1,2 მილიარდი ევროა გამოყოფილი.

გარდა ახალი ხაზისა იგეგმება მეორე ხაზის გაფართოება 4 კილომეტრით. შესაბამისად მე-2 ხაზს 3 გაჩერება დაემატება: პალატიანი, ილიონი და აგიოს ნიკოლაოსი.

მეტროს მეორე ხაზი ელენიკოს სადგურიდან გაფართოვდება გლიფადამდეც. 

ამავე პროექტში ჩართულია ელეონას მატარებლის სადგურის გაფართოება და მოდერნიზაცია, ასევე მიწისქვეშა პარკინგის ადგილის მშენებლობა.

დამატებითი სადგურების გამართულად მუშაობისთვის საჭიროა კონკრეტულ სისტემებში ცვლილებები, ახალი აღჭურვილობა და პროგრამული უზრუნველყოფა როგორც სინდაღმას ცენტრალური სადგურის საკონტროლო ცენტრში, ასევე ადგილობრივ სადგურებზე, ჭაბურღილებზე და ა.შ.

მეტროსადგურის ხაზის გაფართოების სამუშაოები 2026 წლიდან დაიწყება და მოსახლეობა ახალი სადგურებით სარგებლობას 2031 წლიდან შეძლებს.