სკოლის მოსწავლემ თანაკლასელი დანით დაჭრა

სკოლის მოსწავლემ თანაკლასელი დანით დაჭრა

მშობლებისა და სკოლის პერსონალის აღშფოთება გამოიწვია მოსწავლეებს შორის ატეხილმა ჩხუბმა, რომლის დროსაც 20 წლის მოსწავლემ სკოლის ეზოში 16 წლის თანაკლასელი დაჭრა.

სისხლიანი შელაპარაკება დილის 11:00 საათზე, შესვენების დროს მოხდა.

ახალგაზრდებს შორის სიტყვიერი შელაპარაკების შემდეგ 20 წლის ბიჭმა ბასრი იარაღი ამოიღო ჯიბიდან და 16 წლის ბიჭს თავს დაესხა. დაშავებულს ბარძაყის არეში აქვს მიყენებული ჭრილობა.

აღნიშნული შემთხვევა ათობით მოსწავლის თვალწინ მოხდა, რომლებმაც შოკური მდგომარეობისგან ნაბიჯის გადადგმა ვერ შეძლეს 16 წლის ბიჭის დასახმარებლად.

“უეცრად ვხედავთ რომ რაღაცას იღებს ჯიბიდან და ხმაური ატყდა. ძირს დაეცა და ყვიროდა. ბავშვებმაც ყვირილი დაიწყეს და გაიქცნენ.” – აცხადებს ერთ-ერთი თვითმხილველი.

ჩხუბის ორივე მხარე მასწავლებელმა დირექტორის კაბინეტში წაიყვანა, სადაც სკოლის ექთანმა დაშავებულს პირველადი დახმარება აღმოუჩინა.

დაშავებული საავადმყოფოში გადაიყვანეს, მის სიცოცხლეს საფრთხე არ ემუქრება.

20 წლის ბიჭი კი პოლიციის განყოფილებაში იმყოფება ამ დრომდე და მის წინააღმდეგ საქმე ფიზიკური დაზიანების მიყენების მუხლით აღიძრა.