ტრაგედია, რომელსაც დასასრული არ უჩანს

ტრაგედია, რომელსაც დასასრული არ უჩანს

ტრაგედია, რომელსაც დასასრული არ უჩანს, დატრიალდა ვოლოსში, როცა კვირას ღამით ახალდაქორწინებული წყვილის სიცოცხლე იმსხვერპლა ავტოსაგზაო შემთხვევამ. 

თუმცა უბედურმა შემთხვევამ მხოლოდ ახალგაზრდების სიცოცხლე არ იმსხვერპლა. გავრცელებული ინფორმაციის თანახმად 31 წლის კოსტას მამამ როგორც კი გაიგო რომ მისი შვილი ავტოსაგზაო შემთხვევის დროს დაიღუპა, ტკივილს ვერ გაუძლო და გარდაიცვალა. 

შეგახსენებთ, რომ საბედნისწერო შემთხვევა ვოლოსი-აღრიას გზაზე კვირას ღამით პლატანიოდონის გასწვრივ მოხდა, როცა ტრაქტორი, რომელსაც 82 წლის კაცი მართავდა წყვილის მოტოციკლეტს შეეჯახა.

წყვილი ჩაფხუტებს ატარებდა, თუმცა ძლიერი შეჯახების გამო მათი დაცვა ჩაფხუტებმა ვერ შეძლეს.

გარდაცვლილები 31 წლის კოსტას პაპაკონსტანტინუ და 32 წლის კერასია ალიმადირი არიან.

taxydromos.gr-ის მიერ გავრცელებული ინფორმაციის თანახმად წყვილი შემთხვევის ადგილზევე დაიღუპა. 

გარდაცვლილების მეგობრები, რომლებიც წყვილის მოტოციკლეტს უკან ავტომანქანით მიჰყვებოდნენ ტრაგიკული შემთხვევის თვითმხილველები გახდნენ. ისინი thenewspaper.gr-თან ინტერვიუში აცხადებენ, რომ იხილეს თუ როგორ დალიეს სული მათმა საუკეთესო მეგობრებმა ასფალტზე და თუ როგორ შოკურ მდგომარეობაში არიან ამ დრომდე, რადგან მათი გადარჩენა ვერ შეძლეს.