ფეხმძიმე ქალის სადისტური მკვლელობა თესალონიკში
ფეხმძიმე ქალის სადისტური მკვლელობა თესალონიკში
როგორც ცნობილია, 41 წლის ფეხმძიმე ქალბატონს, პოლიცია რამოდენიმე დღის განმავლობაში ეძებდა, თუმცა ქალბატონი მოკლული იქნა და, მისი ცხედრის პოვნის საფუძველზე სისხლის სამართლის საქმე აღიძრა.
მკვლელობას, სამედიცინო ექსპერტიზის პირველი დასკვნა ადასტურებს. პოლიციის ხელთაა ასევე, მკვლელობის მამხილებელი ვიდეომასალა, აღმოჩენილი დნმ – ის ნიმუშები და რაც მთავარია, დამნაშავის მეგობრის თითის ანაბეჭდები. სავარაუდო მკვლელის მეგობარმა აღიარა, რომ 41 წლის ორსული ქალი პარტნიორმა მოკლა, ცხედარი კი, მისივე დახმარებით მოიშორეს და გვამი ხალკიდიკის განცალკევებულ უბანში დააგდეს.
სასამართლო ექსპერტიზის პირველი დასკვნის მიხედვით ასევე ირკვევა, რომ გარდაცვლილს კისრის არეში ჭრილობები აღენიშნება.
გვამის ადგილ – სამყოფელი დანაშაულში ეჭვმიტანილის მეგობარმა უჩვენა სამართალდამცავებს.
დანაშაულის მოტივი ბოლომდე არ არის ცნობილი, თუმცა, სავარაუდო დამნაშავის მეგობარმა მინიშნებით აღნიშნა, რომ მკვლელობა ფინანსურ თემებზე დავას უკავშირდება.
ქალის პარტნიორის სახლში ჩატარებული გამოძიების შედეგად, სამართალდამცავებმა სისხლის კვალი, მოკლულის თმები და დნმ აღმოჩინა.
სახლში ასევე აღმოჩენილია სავარაუდო დამნაშავის მეგობრის თითის ანაბეჭდებიც, რის შედეგადაც ექსპერტიზისათვის ცნობილი გახდა დანაშაულის შემაძრწუნებელი დეტალები.
სავარაუდო დამნაშავე დაკავებულია პოლიციის მიერ, თუმცა ის ამჟამად უარყოფს ბრალდებას.
