ქსილოკასტროში გაჩენილმა ხანძარმა 2 ადამიანის სიცოცხლე იმსხვერპლა
ქსილოკასტროში გაჩენილმა ხანძარმა 2 ადამიანის სიცოცხლე იმსხვერპლა
ორშაბათს დილით ქსილოკასტროში გაჩენილი ჯოჯოხეთური ხანძრის ჩაქრობის მცდელობისას ნაპოვნი 2 პირის ცხედარი 35 და 40 წლის კაცებს ეკუთვნით.
ტელემაუწყებელი ΕΡΤ-ის ეთერში საუბრისას ანასტასიოს გიოლისმა, კორინთიას ვიცე-გუბერნატორმა, განაცხადა: “აღნიშნული პირები არ იყვნენ ოფიციალურად გაფორმებული მოხალისეები, გარდაცვლილები ხანძრის მიმდებარედ სოფლების მაცხოვრებლები არიან, რომლებიც არ დაემორჩილნენ 112-ის მითითებებს და გადაწყვიტეს დახმარებოდნენ სახანძრო-სამაშველო ძალებს.”
გავრცელებულ ინფორმაციაზე დაყრდნობით აღნიშნული პირები კვირას ღამით, მათივე მოტოციკლეტებით გაემართნენ ანო პიცასკენ, რათა დახმარება გაეწიათ ხანძრის დასამორჩილებლად. მათ გზად სახანძრო ბრიგადა შეხვდათ, რომლებმაც მოუწოდეს უკან გაბრუნებულიყვნენ, თუმცა მითითებას არ დაემორჩილნენ და სულ ცოტახანში ტრაგიკულად დაასრულეს სიცოცხლე.
