ხანია: 39 წლის ქალი აივნიდან გადახტა
ხანია: 39 წლის ქალი აივნიდან გადახტა
პარასკევს დილით ადგილობრივი მოსახლეობის შეშფოთება გამოიწვია ახალგაზრდა ქალმა, რომელიც საცხოვრებელი კორპუსის აივნიდან გადახტა.
გავრცელებული ინფორმაციის თანახმად აღნიშნული შემთხვევა კონსტანტინუპოლეოს ქუჩაზე მოხდა გამთენიის 5:30 საათზე. 39 წლის ალბანეთის მოქალაქე საკუთარი ბინის აივნიდან გადახტა. ბინა კორპუსის მეორე სართულზე მდებარეობს.
ქალის მეუღლემ დაუყოვნებლივ გამოიძახა სასწრაფო დახმარების ბრიგადა.
შემთხვევის ადგილზე სასწრაფო დახმარების ბრიგადასთან ერთად გამოცხადდა სახანძრო/სამაშველო სამსახური და პოლიცია.
დაშავებული საავადმყოფოში გადაიყვანეს. ექიმები აცხადებენ, რომ მის სიცოცხლეს საფრთხე არ ემუქრება.
გავრცელებული ინფორმაციის თანახმად ახალგაზრდა ქალს აღენიშნება ფსიქოლოგიური პრობლემები და სწორედ ეს გახდა ინციდენტის გამომწვევი მიზეზიც.
