ჯანდაცვის სამინისტრო სეზონური გრიპის წინააღმდეგ ვაქცინაციის მნიშვნელობაზე საუბრობს

ჯანდაცვის სამინისტრო სეზონური გრიპის წინააღმდეგ ვაქცინაციის მნიშვნელობაზე საუბრობს

წლევანდელი ზამთრის გრიპის აქტივობის პირველი ნიშნები შეშფოთებას იწვევს. სეზონურმა გრიპმა გავრცელება უფრო ადრე დაიწყო მძიმე სიმპტომებით, ვიდრე ბოლო ხუთი წლის განმავლობაში, რაც განსაკუთრებულ სიფრთხილეს საჭიროებს მოსახლეობის მხრიდან.

ჯანდაცვის სამინისტრომ გამოაქვეყნა 2025-2026 წლის ეროვნული ვაქცინაციის პროგრამის განახლებული ვერსია, რომლითაც მშობლებს ახსენებს, რომ გადაამოწმონ ბავშვების ვაქცინაციის ბროშურები და დაუკავშირდნენ პედიატრებს სეზონური გრიპის საწინააღდეგო ვაქცინის მიღების დასაგეგმად.

გრიპის საწინააღმდეგო აცრა რეკომენდირებულია 6 თვიდან 5 წლამდე ბავშებისთვის და ასევე შედარებით უფროსებისთვისაც იმ შემთხვევაში თუ მიეკუთვნებიან მოწყვლად ჯგუფებს. 

აცრა კეთდება ერთჯერადად, ოქტომბრის შუარიცხვებიდან ნოემბრის ბოლომდე, რათა მოასწროს იმუნურმა სისტემამ გააქტიურება. 

9 წლის ქვემოთ მყოფი ბავშვები, რომლებიც იცრებიან პირველად, ან აცრილები არიან მხოლოდ ერთხელ, საჭიროებენ 2 დოზას, რომელიც უნდა გაკეთდეს 28 დღის შუალედით.

“დროული ვაქცინაცია ეფექტურად იცავს გაციების მძიმე სიმპტომების გამოხატვისგან, ან თუნდაც სიკვდილიანობის დადგომისგან, განსაკუთრებით მოწყვლად ჯგუფებს მიკუთვნებული ადამიანებს.” 

ეროვნული ვაქცინაციის პროგრამის მიხედვით სეზონური გრიპის საწინააღმდეგო ვაქცინაცია განსაკუთრებით რეკომენდირებულია 60 წელს ზემოთ მყოფი ასაკის პირებისთვის, 6 თვიდან 5 წლამდე ასაკის ბავშვებისთვის, 5 წელზე მეტი ბავშვებისა და ქრონიკული დაავადებების მატარებელი ზრდასრულებისთვის, ორსულებისთვისა და ლაქტაციის პერიოდში მყოფი დედებისთვის.