17 წლის ახალგაზრდების ბანდა თანატოლებს აშანტაჟებდა და ფულს სთხოვდა
თესალონიკში ოთხი 17 წლის მოზარდი დააკავეს, რომლებსაც ბრალად ედებოდათ თანატოლის ცემა და იარაღით მუქარა ნარკოტიკების ტრანზაქციის ვალის გამო.
დაზარალებულმა, წარმოშობით ალბანელმა პოლიციის ორგანოებს მიმართა, რის შემდეგაც ბრალდებული არასრულწლოვნები სისხლის სამართლის დანაშაულის ჩადენის ბრალდებით დააკავეს და დაკითხვაზე გადაიყვანეს.
როგორც პოლიციის წყაროები აცხადებენ, შეიარაღებული თავდასხმა განხორციელდა გასული თვის შუა რიცხვებში თესალონიკის მიმდებარე ტერიტორიაზე, კონკრეტულად თერმის მუნიციპალიტეტის დასახლებაში.
დაზარალებული საავადმყოფოში გადაიყვანეს, სადაც მას პირველადი დახმარება აღმოუჩინეს, შემდეგ კი პოლიციაში მივიდა, სადაც მომხდარის შესახებ შეატყობინა.
პოლიციის განცხადების მიხედვით, ოთხი მოძალადე შანტაჟის ქვეშ ითხოვდა თანხის საპროცენტო დანამატთან ერთად გადახდას, რომლის რაოდენობაც დაახლოებით 500 ევროს შეადგენდა.
მას შემდეგ, რაც მონაწილე არასრულწლოვანთა იდენტიფიცირება მოხდა, მომდევნო 24 საათის განმავლობაში თესალონიკის უშიშროების დეპარტამენტის პოლიციის დახმარებით მოხდა მათი დაკავება. ოპერაციაში ასევე მონაწილეობდა გაწვრთნილი ძაღლი ჩრდილოეთ საბერძნეთის სპეცდანიშნულების რაზმიდან.
