36 წლის კაცი საკუთარი შვილის თვალწინ სცემეს
36 წლის კაცი საკუთარი შვილის თვალწინ სცემეს
დაბალი სიჩქარით გადაადგილება და შუქნიშნის წითელ შუქზე გაჩერება აღმოჩნდა მიზეზი 36 წლის კაცზე საკუთარი შვილის თვალწინ თავდასხმისა.
thestival.gr-ის მიერ გავრცელებული ინფორმაციის თანახმად თავდამსხმელებმა ჩათვალეს, რომ 36 წლის მძღოლი დაბალი სიჩქარით გადაადგილდებოდა და მათ აყოვნებდა გზაზე.
აღნიშნული შემთხვევა 28 აპრილს, შუადღის 14:00 საათზე ვასილისის ოლღას და სინდიკას ქუჩების კვეთაზე, სალონიკში მოხდა.
ვიდეო მასალაში აღბეჭდილია თავდასხმის მომენტი. თავდამსხმელებმა 36 წლის მძღოლის ავტომანქანის სარკე ჩაამტვრიეს, შემდეგ ფანჯარას დაარტყეს, მძღოლი ავტომანქანიდან გადმოიყვანეს და ცემა დაუწყეს. საწყის ეტაპზე მანქანას 1 თავდამსხმელი მიუახლოვდა, ხოლო შემდეგ კიდევ 3 პირი გამოჩნდა ვიდეო კადრებში.
ტელემაუწყებელი ΕΡΤ-ის მიერ გავრცელებული ინფორმაციის თანახმად სამართალდამცავმა ორგანოებმა უკვე შეძლეს 2 თავდამსხმელის ვინაობის დადგენა.
დაშავებულს დაზიანებები მიყენებული აქვს თავისა და სხეულის არეში.
