3 აგვისტოდან საბერძნეთის მოქალაქეები ძველი ტიპის პირადობის მოწმობებით მოგზაურობას ვეღარ შეძლებენ
3 აგვისტოდან საბერძნეთის მოქალაქეები ძველი ტიპის პირადობის მოწმობებით მოგზაურობას ვეღარ შეძლებენ
2026 წლის 3 აგვისტოდან საბერძნეთში ძველი, ლამინირებული პირადობის მოწმობები საზღვარგარეთ გამგზავრებისას ოფიციალურად კარგავდენ სამგზავრო დოკუმენტის სტატუსს. შესაბამისად ხვალიდან საბერძნეთის მოქალაქეები უცხოეთში, მათ შორის შენგენის ზონის ქვეყნებში, მოგზაურობას მხოლოდ ახალი ტიპის პირადობის მოწმობით ან მოქმედი პასპორტით შეძლებენ.
ცვლილება ევროკავშირის უსაფრთხოების სტანდარტებთან შესაბამისობის მიზნით განხორციელდა, რადგან ძველი ტიპის პირადობის მოწმობები არ შეიცავს თანამედროვე დამცავ ელემენტებს და არ აქვს ელექტრონულად წაკითხვადი ზონა.
მიუხედავად აღნიშნული ცვლილებისა, ქვეყნის შიდა ტერიტორიაზე ძველი პირადობის მოწმობები კვლავ ძალაში რჩება და მათი გამოყენება შესაძლებელია სახელმწიფო უწყებებში, ბანკებსა და სხვა ადმინისტრაციულ თუ კერძო დაწესებულებებში 2027 წლის სექტემბრამდე.
ახალი პირადობის მოწმობის აღების საბოლოო ვადად განსაზღვრულია 2027 წლის 25 სექტემბერი.
ახალი დოკუმენტის მისაღებად მოქალაქეებმა წინასწარ უნდა დაჯავშნონ ვიზიტი საცხოვრებელი ადგილის მიხედვით პოლიციის განყოფილებაში. საჭირო იქნება ფოტო (რომლის გადაღებაც შესაძლებელია პოლიციაში ან ფოტოსტუდიაში myPhoto სისტემის მეშვეობით), 10 ევროს სახელმწიფო მოსაკრებლის გადახდა (მრავალშვილიანი ოჯახებისთვის – 5 ევრო), ასევე 0,50 ევრო. განაცხადის წარდგენისას მოქალაქემ უნდა ჩააბაროს ძველი პირადობის მოწმობა.
