Netflix-ის დონის კომპანიებმა ბაბის ანაგნოსტოპულოს შესახებ ფილმის გადაღების სურვილი გამოთქვეს
20 წლის მეუღლის, ქეროლაინ კრაუჩის მკვლელობაში ბრალდებულის, ბაბის ანაგნოსტოპულოსის ადვოკატმა, ალექსანდროს პაპაიოანიდისმა დილის შოუში, ჟურნალისტ გიორგო ლიაგასთან საუბრისას გაამჟღავნა, რომ მისი დაცვის ქვეშ მყოფი იღებს უამრავ შეთავაზებას როგორც ბერძნული, ასევე უცხოური, მათ შორის netflix-ის დონის მედია კომპანიებისგან, რომლებსაც სურთ გადაიღონ ფილმი არა მხოლოდ მის მიერ ჩადენილ საზარელ მკვლელობაზე, არამედ ზოგადად მასზე და მის ცხოვრებაზე.
თუმცა, როგორც ადვოკატი განმარტავს, დათანხმდება თუ არა მსგავს შეთავაზებას, ეს მხოლოდ პატიმრის გადასაწყვეტია.
ჟურნალისტის კითხვაზე, ისაუბრებს თუ არა საჯაროდ ქეროლაინის მკვლელი მის მიერ ჩადენილ საზარელ დანაშაულზე, რომლის დასაფარადაც შემდეგ ყაჩაღობის ინსცენირება მოაწყო, ადვოკატი ამბობს, რომ თუ საჭიროდ ჩათვლის ის ამას გააკეთებს.
“ანაგნოსტოპულოს დაკავების შემდეგ და სააპელაციო სასამართლოში პროცესის დროსაც ბოლო პერიოდში არა ერთი ან ორი, არამედ ბევრი წინადადება იყო ბერძნული და უცხოური მედიისგან, ასევე Netflix-ის უცხოელი პროდიუსერების და ევროპელი პროდიუსერების დონეზე.
რა თქმა უნდა, ეს უნდა იყოს მისი თანხმობით, თუ მათ ნამდვილად სურთ რაიმე ღირებულის გაკეთება. მათ გამოთქვეს სურვილი, მიეცეთ უფლება მიიღონ იმაზე მეტი ინფორმაცია, რაც ცნობილია დამნაშავის შესახებ“, – განაცხადა ანაგნოსტოპულოს ადვოკატმა.
ბოლოს, კითხვაზე, ისაუბრებს თუ არა მისი კლიენტი საჯაროდ იმ მკვლელობაზე, რომელმაც მთელი საბერძნეთი შოკში ჩააგდო, ბატონმა პაპაიოანიდისმა თქვა: „როცა ექნება საუბრის სურვილი, იტყვის.
