აქვს თუ არა წყლის ხარისხს ადამიანის ჯანმრთელობისთვის მნიშვნელობა
აქვს თუ არა წყლის ხარისხს ადამიანის ჯანმრთელობისთვის მნიშვნელობა
ნამდვილად ვიცით, როგორ წყალს ვსვამთ დღეს? დარწმუნებულები ვართ მის ხარისხში? თუ ვვარაუდობთ, რომ რადგან წყალი ბოთლშია ჩამოსხმული ის ავტომატურად უსაფრთხო და მაღალი ხარისხისაა? თუმცა, დღესდღეობით ბევრი მაღალი ხარისხის წყალი აღარ არის ბუნებრივი მეთოდებით მიღებული პროდუქტი, არამედ მექანიკური დამუშავების შედეგია.
საზოგადოების ნაწილი ფიქრობს, რომ რაც უფრო გაფილტრული და სუფთაა წყალი, მით უკეთესია მისი ხარისხი. მაგალითად, იმ წყალთან შედარებით, რომელიც პირდაპირ ბუნებიდან მოდის, ყოველგვარი დამუშავების გარეშე.
თუმცა ეს სიმართლეს არ შეესაბამება, დემინერალიზებული წყალი რომელმაც დაკარგა თითქმის ყველა ბუნებრივი მინერალი მათ შორის კალციუმი, მაგნიუმი, კალიუმი, ნატრიუმი და მიკროელემენტები ისეთი პროცესების მეშვეობით, როგორიცაა დისტილაცია, უკუოსმოსი, ფილტრაცია არა მხოლოდ დაბალი ხარისხისაა, არამედ ჯანმრთელობისთვის საფრთხესაც წარმოადგენს.
ჩეხეთის რესპუბლიკის საზოგადოებრივი ჯანმრთელობის ეროვნული ინსტიტუტისთვის ფრანტიშეკ კოზიშეკის მიერ ჩატარებული კვლევის თანახმად, ზედმეტად დამუშავებულმა წყალმა (ონკანის იქნება ეს თუ გაფილტრული, ბოთლში ჩამოსხმული სუფრის წყალი თუ დაბალი ხარისხის წყაროს წყალი) შეიძლება დაარღვიოს ორგანიზმში ელექტროლიტებისა და მინერალების ბალანსი, გამოიწვიოს ისეთი სიმპტომები, როგორიცაა დაღლილობა, სისუსტე, სპაზმები და გულის რიტმის დარღვევები და გაზარდოს გულ-სისხლძარღვთა პრობლემების რისკიც კი.
კვლევის თანახმად იმისთვის რომ წყალი ხანგრძლივი მოხმარებისთვის ვარგისად ჩაითვალოს, ის უნდა შეიცავდეს კალციუმს და მაგნიუმს, რისი შექმნაც მხოლოდ ბუნებას შეუძლია.
