კუნძულ როდოსზე უამინდობის შედეგად დაზიანებული გზის გაწმენდის სამუშაოები მიმდინარეობს
კუნძულ როდოსზე უამინდობის შედეგად დაზიანებული გზის გაწმენდის სამუშაოები მიმდინარეობს
კუნძულ როდოსზე, ლადიკოს დასახლებიდან ენტონი ქუინის პლაჟისკენ მიმავალ გზაზე, მეწყრის შედეგად ჩამოშლილი უზარმაზარი ლოდის გამო შეფერხებული მოძრაობის აღდგენითი სამუშაოების პირველი ეტაპი დასრულდა.
როდოსის მუნიციპალიტეტის სამოქალაქო დაცვის სამსახურისა და სპეციალური ტექნიკის დახმარებით გზის ნაწილი დროებით გაიხსნა, რის შედეგადაც აღნიშნული ტერიტორიიდან ჩაკეტილი დაახლოებით 100 ავტომობილი და მათი მგზავრები უსაფრთხოდ გავიდნენ.
სამუშაოები პარასკევს, 16 ოქტომბერს, დილიდან განახლდება. სპეციალისტები გეგმავენ ლოდის გზიდან გატანას, რისთვისაც მისი ადგილზე დანაწევრებაც განიხილება.
ლოდის მოცილების შემდეგ ინჟინრები გზას შეამოწმებენ რათა დაადგინონ, დაზიანებულია თუ არა საფარი ან გზის სხვა მონაკვეთები. მოძრაობის სრულად აღდგენა სამუშაოების დასრულებასა და ტექნიკური შემოწმების შედეგებზე იქნება დამოკიდებული.
