კუნძულ სიროსზე სასწრაფო დახმარების თანამშრომელი დანით დაჩეხეს
კუნძულ სიროსზე სასწრაფო დახმარების თანამშრომელი დანით დაჩეხეს
კუნძულ სიროსზე მომხდარი მკვლელობის საქმესთან დაკავშირებით ახალი დეტალები ხდება ცნობილი. გარდაცვლილი EKAB-ის (სასწრაფო დახმარების სამსახურის) თანამშრომელი ბინაში მივიდა, სადაც, გავრცელებული ინფორმაციის თანახმად, მოიჯარეები ცხოვრობდნენ და მათ სამი თვის დავალიენების გადახდა სთხოვა.
გამოძიების ხელთ არსებული ინფორმაციის თანახმად საუბარი კონფლიქტში გადაიზარდა, რის შემდეგაც ბინაში მცხოვრებმა მამაკაცმა ქალს ზურგში დანა ჩაარტყა. მძიმედ დაჭრილი ქალი საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს.
თავად ბრალდებული განსხვავებულ ვერსიას ავრცელებს. მისი მტკიცებით, ქალი ბინასთან დანით მივიდა და მას ემუქრებოდა, რის შემდეგაც ინციდენტი ფატალურად დასრულდა. პოლიცია ორივე ვერსიას იკვლევს და დანაშაულის ზუსტი გარემოებების დასადგენად მუშაობს.
გარდაცვლილი ქალი ზაფხულის სეზონზე სიროსზე მივლინებით მუშაობდა ადგილობრივი სასწრაფო დახმარების სამსახურის გასაძლიერებლად.
