ნისიროსში ყოველ ახალშობილზე მუნიციპალიტეტი 3000 ევროს ოდენობის დახმარებას გასცემს
ნისიროსში ყოველ ახალშობილზე მუნიციპალიტეტი 3000 ევროს ოდენობის დახმარებას გასცემს
საბერძნეთის კუნძულ ნისიროსის მუნიციპალიტეტმა ოჯახების მხარდაჭერისა და დემოგრაფიული პრობლემის წინააღმდეგ ბრძოლის მიზნით, ყოველ ახალშობილზე 3 000 ევროს ოდენობის ერთჯერადი დახმარება დააწესა.
მუნიციპალიტეტის გადაწყვეტილება ერთხმად დაამტკიცა საკრებულომ. დახმარების მიღება შეეძლებათ ოჯახებს, რომლებიც ბავშვის დაბადების მომენტში ნისიროსის მუნიციპალიტეტში არიან რეგისტრირებული და კუნძულზე მუდმივად ცხოვრობენ.
3 000 ევროს ოდენობის თანხა ერთჯერადად გაიცემა და მისი მიზანია ბავშვის დაბადების შემდეგ ოჯახის პირველადი ხარჯების ნაწილობრივი დაფარვა. დახმარება არ იბეგრება და სხვა სოციალური შეღავათების მისაღებად ოჯახის შემოსავალში არ ითვლება.
პროგრამის დასაწყებად მუნიციპალიტეტის 2026 წლის ბიუჯეტში 9 000 ევროა გათვალისწინებული, რაც სამი ახალშობილისთვის დახმარების გაცემას უზრუნველყოფს.
ნისიროსის მუნიციპალიტეტი ასევე გეგმავს დამატებით პროგრამას, რომლის მიხედვითაც კუნძულზე დაბადებული თითოეული ბავშვისთვის შესაძლოა თვეში 150 ევროს დახმარება 5 წლის ასაკამდე დაწესდეს.
მუნიციპალიტეტის მერის, ხრისტოფის კორონეოსის განცხადებით, ინიციატივის მიზანია ახალგაზრდა ოჯახების მხარდაჭერა და კუნძულის მოსახლეობის შემცირების შეჩერება.
„ვუთხრათ კი ოჯახს, კი მომავალს. ნისიროსში დაბადებული თითოეული ბავშვი საუკეთესო დახვედრას იმსახურებს“, — განაცხადა მერმა.
