ბოლო 24 საათის განმავლობაში მთელი ქვეყნის მასშტაბით 52 ხანძარი დაფიქსირდა

ბოლო 24 საათის განმავლობაში მთელი ქვეყნის მასშტაბით 52 ხანძარი დაფიქსირდა
52-ს მიაღწია ბოლო 24 საათის განმავლობაში გაჩენილი ხანძრების რაოდენობამ მთელი ქვეყნის მასშტაბით. სახანძრო სამსახურის მიერ გაკეთებული განცხადების თანახმად 52 ხანძრიდან 42-ის ჩაქრობა მეხანძრეებმა მალევე შეძლეს, ხოლო დანარჩენი 10-ის ჩასაქრობად ამ დრომდე იბრძვიან.
აღრინიუში გაჩენილი ხანძარი სამოქალაქო დაცვის სამინისტროს განცხადების თანახმად უკვე კონტროლს ექვემდებარება.
ამავე განცხადების თანახმად განსაკუთრებით საშიში იყო 8 ხანძარი, რომელთაგანაც ერთ-ერთი 11:02 საათზე გაჩნდა ხავრიატაში, კეფალონიაში. ცეცხლი მოედო ტყის დიდ ნაწილს და საკმაოდ ახლოს იყო ადგილობრივ დასახლებასთან. ხანძრის ჩასაქრობად 30 მეხანძრე მუშაობდა 8 სახანძრო მანქანით. ცეცხლის ჩასაქრობად საჭირო გახდა 5 წყალმფრქვევისა და 1 ვერტმფრენის მობილიზება.
საკმაოდ საშიში იყო ხანძრები მესინიაში, ევრუში, აღრინიუში, პრესპონსა და ხალკიდიკში. საგანგაშოა მდგომარეობა დრამაშიც, სადაც ხანძრის ჩასაქრობად იბრძოდა 60 მეხანძრე, 2 ფეხითმოსიარულე მეხანძრეთა გუნდი, 20 სახანძრო მანქანა და 4 ვერტმფრენი.
სახანძრო სამსახური მოუწოდებს მოქალაქეებს განსაკუთრებული სიფრთხილისკენ.