ვინ არის გოგო, რომლის სიცოცხლეც ავტოსაგზაო შემთხვევამ იმსხვერპლა

ვინ არის გოგო, რომლის სიცოცხლეც ავტოსაგზაო შემთხვევამ იმსხვერპლა

მოულოდნელად გამოეცალა ხელიდან 23 წლის მარია ოჯახის წევრებს, რომლის სიცოცხლეც სტალიდა-მალიას გზაზე მომხდარმა ავტოსაგზაო შემთხვევამ იმსხვერპლა.

Cretapost-ის მიერ გავრცელებული ინფორმაციის თანახმად გარდაცვლილზე ყველა დადებითად საუბრობს და ამბობენ, რომ მარია იყო ძალიან მზრუნველი, ყურადღებიანი, ყოველთვის მომღიმარი და შრომის მოყვარე. გოგონა ბოლო პერიოდში 2 სამსახურში მუშაობდა.

მარიას შაბათს, 11:00 საათზე კუტულუფარიში, წმინდა ვასილის ტაძრიდან გაასვენებენ.

გარდაცვლილის ოჯახისწევრებმა იმ ადამიანებს, ვინც მარიას უკანასკნელ გზაზე გაცილებას ისურვებენ, თეთრი სამოსის ჩაცმა სთხოვეს.

შეგახსენებთ, რომ უბედური შემთხვევა მალიაში გამთენიის 05:00 საათზე მოხდა. გოგონა მოტოციკლეტით გადაადგილდებოდა სტალიდა-მალიას გზაზე, როცა მის საპირისპიროდ მომავალ მოტოციკლეტს შეეჯახა, რომელსაც 27 წლის ეგვიპტის მოქალაქე მართავდა.

ძლიერი შეჯახების შედეგად გოგონა შემთხვევის ადგილზევე დაიღუპა.