პოლიციამ ნარკოტიკებით ვაჭრობისთვის 2 პირი დააკავა
პოლიციამ ნარკოტიკებით ვაჭრობისთვის 2 პირი დააკავა
გუშინ საღამოს კუნძულ კრეტაზე ქალაქ ირაკლიოში კერძოდ ფესტოს მუნიციპალიტეტში ნარკოტიკებით ვაჭრობის ბრალდებით 2 პირი დააკავეს.
გამოძიების შედეგად დადგინდა, რომ ნარკოტიკული ნივთიერების გაყიდვა, გადატანაში მონაწილეობას იღებდა კიდევ ერთი პირი, 28 წლის კაცი, რომელიც ათენიდან ნარკოტიკებს ამანათით ფოსტის გამოყენებით გზავნიდა.
დაკავებულებიდან ერთ-ერთი არასრულწლოვანია, რომლის დედაც ასევე გადაყვანილია დროებითი დაკავების საკანში არასრულწლოვანზე ზედამხედველობის უგულებელყოფის ბრალდებით.
პოლიციის მიერ გავრცელებული ინფორმაციის თანახმად საეჭვო ამანათი, რომელიც სამართალდამცავ ორგანოებს საქმის გახსნაში დაეხმარა, საკურიერო კომპანიის საწყობში აღმოაჩინეს.
დამნაშავეების კვალზე გასასვლელად განხორციელდა კონტროლირებადი მიწოდების ოპერაცია, რომლის პროცესშიც ამანათი არასრულწლოვანმა პირმა ჩაიბარა.
ამანათის შემოწმებისას პოლიციამ ამოიღო:
- 175 გრამი დაუმუშავებელი კანაფი;
- 100 გრამი დამუშავებული კანაფი, ე.წ. „შოკოლადის“ ფორმით;
- მცირე რაოდენობით უცნობი ქიმიური ნივთიერება.
