სასულიერო პირი ყოფილი პარტნიორის საჩივრის საფუძველზე დააკავეს
სასულიერო პირი ყოფილი პარტნიორის საჩივრის საფუძველზე დააკავეს
საბერძნეთის ქალაქ ღრევენაში 68 წლის მღვდელი დააკავეს. მას ყოფილი პარტნიორი, 43 წლის ქალი ლარისიდან, პირადი ცხოვრების ამსახველი კადრების შურისძიების მიზნით გავრცელებაში (ე.წ. revenge porn) ადანაშაულებს.
ბერძნული მედიის ცნობით, ქალმა ლარისის პროკურატურას მიმართა, რის შემდეგაც საქმეზე გადაუდებელი წინასწარი გამოძიება დაიწყო. პოლიციამ მღვდელი ღრევენაში, საკუთარ სახლში დააკავა. მისი მობილური ტელეფონის შემოწმებისას ქალის ფოტოები აღმოაჩინეს.
მღვდლის წინააღმდეგ სისხლის სამართლის საქმე შურისძიების მიზნით ინტიმური მასალის გავრცელებისა და ოჯახში ძალადობის ბრალდებებით აღიძრა.
ბრალდებულის სასამართლო პროცესი პარასკევს, 16 ოქტომბერს, 13:00 საათზე, ლარისის სასამართლოში, დაჩქარებული წარმოების წესით უნდა გაიმართოს.
