კიფსელი: 64 წლის კაცს, რომელმაც 25 წლის შშმ პირის გაუპატიურება სცადა, ამ დრომდე ეძებენ
კიფსელი: 64 წლის კაცს, რომელმაც 25 წლის შშმ პირის გაუპატიურება სცადა, ამ დრომდე ეძებენ
ამ დრომდე ეძებენ 64 წლის ალბანეთის მოქალაქეს, რომელმაც 25 წლის შშმ პირის გაუპატიურება სცადა.
გოგონას დედა, კატერინა ბეკიარი ჟურნალისტებთან იხსენებს იმ ჯოჯოხეთურ სცენარს, რომლის შემსწრეც სახლში მისვლისას გახდა.
“სახლში შესვლისას დავინახე როგორ იწვა ვიღაც კაცი ჩემი გოგონას ზემოდან. ტაფა ავიღე და თავში ჩავარტყი, რომ მოშორებოდა ჩემს შვილს. ჩემი გოგონას დაცვას ვცდილობდი.” – აცხადებს დედა.
დაცვის კამერებიდან ამოღებული ვიდეოდან ჩანს, რომ ბოროტმოქმედი სახლში გასაღებით შევიდა. ვიდეომასალიდან ასევე ჩანს, როგორ შედის დედა სახლში და როგორ ურტყამს მოძალადეს თავში ტაფას.
protothema.gr-მა ჟურნალისტური გამოძიების შედეგად დაადგინა, რომ 64 წლის კაცმა გოგონას დედა ეკლესიაში გაიცნო.
ძალადობის ფაქტის დაფიქსირების შემდეგ კაცი ადგილიდან მიიმალა და მის კვალზე გასვლას პოლიცია ამ დრომდე ცდილობს.
