ქუჩაში ცხოვრობს და ფსიქოლოგიური პრობლემები აქვს – აცხადეს იოგას ტრენერის შვილი, რომელმაც ნათესავების მანქანები გადაწვა

ქუჩაში ცხოვრობს და ფსიქოლოგიური პრობლემები აქვს – აცხადეს იოგას ტრენერის შვილი, რომელმაც ნათესავების მანქანები გადაწვა

კორიდალოსის ფსიქიატრიულ კლინიკაში გადაიყვანეს 56 წლის იოგას ინსტრუქტორი, რომელიც ნათესავებისა და მეგობრების მანქანებისთვის ცეცხლის გაჩენისა და აფეთქების გამოწვევისთვის დააკავეს.

გამოძიების შედეგად დადგინდა, რომ ეს არ არის პირველი შემთხვევა, როცა დაკავებული სამართალდამცავი ორგანოების ყურადღებას იქცევს.

56 წლის ქალი წარსულშიც, კერძოდ 2016 წლის თებერვალშიც იყო დაკავებული ნეა ერითრეასა და მეტამორფოსიზე განზრახ ხანძრის გაჩენის ბრალდებით.

დაკავებულის შვილმა ტელემაუწყებელი Mega-ს წინაშე ისაუბრა: “რაოდენ სასაცილო და გასაოცარიც არ უნდა იყოს, რომ იოგას ინსტრუქტორი დადის და ხანძარს აჩენს განზრახ, ვიცნობ მის მდგომარეობას და მინდა ხაზგასმით აღვნიშნო, რომ ეს არ არის პირველი შემთხვევა, როცა დედაჩემი ფსიქიატრიულ კლინიკაში ხვდება. პრობლემა არსებულ სახელმწიფო სისტემას უკავშირდება, რადგან რამდენჯერაც ის ფსიქიატრიულ საავადმყოფოში მოხვდა, იმდენჯერ მკურნალობის და შესაბამისი მედიკამენტების გარეშე გამოწერეს. ყოველთვის ესე ხდება იმ ადამიანების შემთხვევაში, რომლებსაც მძიმე ფსიქოლოგიური პრობლემები აქვთ. რამდენიმე თვით ტოვებენ კლინიკაში, თუმცა არ უტარდებათ რაიმე არსებითი თერაპია და წერენ დაწესებულებებიდან ისე, რომ არ უნიშნავენ განგრძობით მკურნალობის პროცესს. სწორედ ეს იწვევს ამ ადამიანების სიღარიბეში აღმოჩენას და საზოგადოების აქტიური ნაწილიდან გარიყვას.”