ავღანეთის მოქალაქემ 15 წლის გოგონას ხელი დაარტყა – აცხადებს Airbnb-ის მეპატრონე
ავღანეთის მოქალაქემ 15 წლის გოგონას ხელი დაარტყა – აცხადებს Airbnb-ის მეპატრონე
ათენში, კიფსელზე მდებარე ბინაში გარდაცვლილი ჩვილი ბავშვის საქმის გამოძიება გრძელდება. სამართალდამცავი ორგანოების კითხვებს პასუხს სასამართლო-სამედიცინო ექსპერტიზის შედეგები გასცემს. ექსპერტიზის შედეგად დადგინდება ჩვილი დაბადებამდე გარდაიცვალა, თუ დანაშაულებრივი ქმედებების შედეგად.
საქმესთან დაკავშირებულ ახალ დეტალებზე ბინის მესაკუთრემაც ისაუბრა. მისი თქმით, ბინაში მყოფ პირებს შორის ურთიერთობები საეჭვო და გაუგებარი იყო. ის ასევე აცხადებს, რომ 15 წლის გოგონა 26 წლის დაკავებულმა ავღანეთის მოქალაქემ სცემა.
მისივე ინფორმაციით, ბინა Airbnb-ის მეშვეობით დაახლოებით ერთი თვით იყო გაქირავებული, თავდაპირველად ჯავშანი მხოლოდ ორი ადამიანისთვის გაკეთდა, თუმცა მოგვიანებით ბინაში სხვა პირებიც, მათ შორის 9 წლის ბავშვიც გამოჩნდნენ, რამაც ეჭვები გაუჩინა.
პოლიციის მიერ ბინიდან ამოღებულ ნივთებს შორის აღმოჩნდა ნარკოტიკული ნივთიერებები, სექსუალური ხასიათის ნივთები, კამერა და კომპიუტერი.
ბინის მესაკუთრის განცხადებით, საცხოვრებელი ფართი დამქირავებლებმა მძიმე მდგომარეობაში დატოვეს და იქ მყოფ ადამიანებს შორის ურთიერთობების შესახებ მისთვის ბევრი რამ გაუგებარი დარჩა.
გამოძიება გრძელდება. მთავარი კითხვებია, რა ვითარებაში გარდაიცვალა ჩვილი, ვინ იყო მისი დედა და რა კავშირი ჰქონდათ ერთმანეთთან ბინაში მყოფ პირებს. საბოლოო პასუხების გაცემა სასამართლო-სამედიცინო ექსპერტიზისა და გამოძიების შედეგებზე იქნება დამოკიდებული.
