დაძაბულობა საბერძნეთის მუნიციპალიტეტების ცენტრალური კავშირის კონფერენციაზე: ხარის დუკასმა კენჭისყრის გაყალბების ფაქტზე ისაუბრა

დაძაბულობა საბერძნეთის მუნიციპალიტეტების ცენტრალური კავშირის კონფერენციაზე: ხარის დუკასმა კენჭისყრის გაყალბების ფაქტზე ისაუბრა

საბერძნეთის მუნიციპალიტეტების ცენტრალური კავშირის (ΚΕΔΕ) კონფერენციაზე მწვავე დაპირისპირება მოხდა მას შემდეგ, რაც ათენის მერმა, ხარის დუკასმა, კენჭისყრის პროცედურა ეჭვქვეშ დააყენა და შესაძლო გაყალბების შესახებ განცხადებების გამო ხმების სახელობითი დათვლა მოითხოვა.

დუკასი მოითხოვდა სახელობით კენჭისყრას, რასაც დარბაზში მყოფთა უკმაყოფილება და ხმაური მოჰყვა. ვითარება განსაკუთრებით დაიძაბა, როდესაც ΚΕΔΕ-ს გენერალური მდივანი და პილოს-ნესტორასის ყოფილი მერი, დიმიტრის კაფანტარისი, ტრიბუნასთან მივიდა, მიკროფონი აიღო და ათენის მერს მკაცრი ტონით მიმართა: „აქედან წაეთრიე, ცოტა მაინც არ გრცხვენია? თვითმმართველობაში გაყალბებაზე ლაპარაკობ!“

ინციდენტს დარბაზში ხმაური, შეძახილები და სიტყვიერი დაპირისპირება მოჰყვა. საბოლოოდ, დუკასის მოთხოვნა სახელობითი დათვლის შესახებ არ დაკმაყოფილდა.

კონფერენციაზე კიდევ ერთი დაპირისპირება მოხდა, რომელშიც ირაკლიოს მერის მოადგილე და ΚΕΔΕ-ს გამგეობის წევრი ნიკოს იალიტაკისი მონაწილეობდა. მანაც სახელობითი კენჭისყრის ჩატარება მოითხოვა, რამაც კაფანტარისის გაღიზიანება გამოიწვია. მხარეებს შორის სიტყვიერი შელაპარაკება და დაპირისპირება გაგრძელდა, რის გამოც კონფერენციის მიმდინარეობა რამდენჯერმე შეწყდა.

https://www.instagram.com/reels/DfcL-t4O1B7/