ველოპულოსმა ტების ტრაგედიაში დაღუპული მგზავრების ფოტოსურათები გამოაქვეყნა
ველოპულოსმა ტების ტრაგედიაში დაღუპული მგზავრების ფოტოსურათები გამოაქვეყნა
პოლიტიკური პარტია „Ελληνική Λύση“ -ს ლიდერმა კირიაკოს ველოპულოსმა ტების სარკინიგზო კატასტროფის შედეგად დაღუპული მგზავრების ძვლების ფოტოები სოციალურ ქსელში გამოაქვეყნა, თუმცა დაღუპულთა ოჯახის წევრების პროტესტის შემდეგ პოსტი მალევე წაშალა.
დაღუპულთა ოჯახის წევრის, ნიკოს პლაკიასის განცხადებით, ფოტოებზე ასახული ნეშტის ნიმუშები უკვე იდენტიფიცირებული იყო და ოჯახებისთვის გადაცემული. მისი თქმით, ერთ-ერთი ფოტოზე მისი ოჯახის წევრის ნეშტიც იყო გამოსახული. მან ველოპულოსი ტრაგედიის პოლიტიკური მიზნებისთვის გამოყენებაში დაადანაშაულა.
ველოპულოსი ამტკიცებდა, რომ კულურიში აღმოჩენილი ძვლების ნაწილი სათანადოდ არ შემოწმებულა და ხელისუფლებისგან მასალების ხელახალი შესწავლა მოითხოვა. მან განცხადება იუსტიციის მინისტრ გიორგოს ფლორიდისთან დაპირისპირების ფონზე გააკეთა.
საბერძნეთის იუსტიციის მინისტრმა, გიორგოს ფლორიდისმა განმარტა, რომ შემთხვევის ადგილზე აღმოჩენილი ადამიანების ძვლები ოფიციალურად აღირიცხა და საქმის მასალებში შევიდა. ექსპერტიზის შედეგად გამოვლენილ იქნა ცხოველების ძვლებიც, რომლებიც ადამიანების ნეშტისგან გაიმიჯნა. მინისტრმა ველოპულოსის ქმედებას მწვავე შეფასება მისცა და განაცხადა, რომ პოლიტიკოსი ოჯახის წევრებისა და მისი რეაქციის შემდეგ „თავი შეირცხვინა“.
ოჯახების პროტესტის შემდეგ ველოპულოსმა პუბლიკაცია შეცვალა და ფოტოები ამოიღო.
