კამატერო: ავტოსაგზაო შემთხვევის შედეგად 36 წლის ქალი მძიმედ დაშავდა
კამატერო: ავტოსაგზაო შემთხვევის შედეგად 36 წლის ქალი მძიმედ დაშავდა
კამატეროში მომხდარი ავტოსაგზაო შემთხვევის შედეგად დაშავებული 36 წლის ქალი საავადმყოფო „ერითროს სტავროსში“ მძიმე მდგომარეობაში მიიყვანეს.
შემთხვევა პარასკევს, 13 ნოემბერს დილით მოხდა. 38 წლის მძღოლმა საჭეზე კონტროლი დაკარგა, რის შემდეგაც მანქანა გზიდან გადავიდა, გაჩერებულ ავტომობილს შეეჯახა და მოძრაობა უკონტროლოდ განაგრძო.
მედიის მიერ გავრცელებულ ვიდეოკადრებში ჩანს, რომ დილის 9 საათის შემდეგ მძღოლი ფილესის გამზირზე მაღალი სიჩქარით, იფიგენიას ქუჩის მიმართულებით გადაადგილდებოდა. გარკვეულ მომენტში მან საჭეზე კონტროლი დაკარგა და ავტომობილი გზის სავალი ნაწილიდან გადავიდა.
უკონტროლო მოძრაობის გაგრძელებისას მანქანა შეეჯახა 36 წლის ქალს, რომელიც საკუთარი ავტომობილიდან გადმოსვლას ცდილობდა. შეჯახების შედეგად ქალი ჰაერში აისროლა და ასფალზე ვარდნისას მძიმე დაზიანებები მიიღო.
შემთხვევის შემდეგ ავტომობილი კიდევ სამ გაჩერებულ სატრანსპორტო საშუალებას: ორ ავტომობილსა და ერთ მოტოციკლს შეეჯახა, რის შემდეგაც საბოლოოდ გაჩერდა.
