1000 ევროს ოდენობის დახმარებას მიიღებენ ქალები, ვინც შვილებს სოფელში გაზრდიან
1000 ევროს ოდენობის დახმარებას მიიღებენ ქალები, ვინც შვილებს სოფელში გაზრდიან
იმ დროს, როდესაც ბერძნული სოფლები იცლება და პატარა სოფლები წლიდან წლამდე მოსახლეობას კარგავენ, სოფელი ოლენი კიდევ ერთხელ გვახსენებს, თუ რას ნიშნავს დემოგრაფიული კოლაფსი. 2021 წლის აღწერის მონაცემებით, სოფელში მოსახლეობის რაოდენობა 410-ს შეადგენდა, თუმცა დღეს მისი რიცხვი 380-ზე ნაკლებია, რაც იმას ნიშნავს, რომ მოსახლეობის დაბერების ტენდენცია მწვავდება, რადგან მოსახლეობის აბსოლუტური უმრავლესობა 60 წელს გადაცილებულია.
მდგომარეობის გამოსასწორებლად, თემის პრეზიდენტმა, ღიორღოს დიმიტროპულოსმა, წამოაყენა ინიციატივა და განაცხადა, რომ ქალები, რომლებსაც შვილები ეყოლებათ, ერთჯერადი 1000 ევროს ოდენობის თანხას მიიღებენ იმ პირობით, რომ მათი შვილები გაიზრდებიან სოფელში და განათლებასაც სოფლის სკოლაში მიიღებენ.
აღნიშნული გადაწყვეტილება შემთხვევით არ მიუღიათ. ოლენის საბავშვო ბაღი უკვე დაიხურა, ხოლო დაწყებითი სკოლა კრიტიკულ მდგომარეობაშია. ამჟამად სკოლაში მხოლოდ ცხრა ბავშვი დადის.
